18-04-2021 23:02:09 About Us Contact Us
సంవత్సరంలో 8 సినిమాలు చేసిన అల్లరి నరేష్ గారికి జన్మదిన శుభాకాంక్షలు..!

సంవత్సరంలో 8 సినిమాలు చేసిన అల్లరి నరేష్ గారికి జన్మదిన శుభాకాంక్షలు..!



నరేష్.. అల్లరి నరేష్.. తెలుగు ప్రేక్షకులను తమ కుటుంబ సభ్యులతో మనసారా నవ్వుకునేలా చేసిన ఈ.వి.వి. సత్యనారాయణ గారి అబ్బాయి.. తొలి సినిమా తోనే తన పేరుకు ముందు టైటిల్ తగిలించుకున్న హీరో.. కామెడీ మాత్రమే కాదు విలన్ గా కూడా చేయగలను అని రుజువుచేసిన నటుడు.. అప్పట్లో రాజేంద్రప్రసాద్ గారు ఇప్పట్లో అల్లరి నరేష్ అనే స్థాయికి ఎదిగిన కామెడీ కింగ్.. మన సడన్ స్టార్.. అలాంటి స్లిమ్ స్టార్ అల్లరి నరేష్ గారి పుట్టినరోజు నేడు..


1982లో చెన్నైలో జన్మించిన నరేష్.. తన విద్యాబ్యాసం కూడా అక్కడే చేశారు. పరిశ్రమ హైదరాబాద్ వచ్చిన క్రమంలో కుటుంబంతో పాటు హైదరాబాద్ చేరారు నరేష్.. ప్రముఖ దర్శకుడు ఈ.వి.వి. సత్యనారాయణ గారి అబ్బాయి నరేష్ హీరోగా.. ప్రముఖ నటులు చలపతిరావు గారి అబ్బాయి రవి బాబు దర్శకత్వం లో సినిమా అనే వార్త అప్పట్లో టాక్ ఆఫ్ ఇండస్ట్రీ అయింది.. 2002లో అల్లరి పేరుతో ఆ సినిమా విడుదలైంది.. సినిమా భారీ విజయం సాధించింది.. నాటి నుండి ఆయన పేరుకు ముందు అల్లరి చేరిపోయింది.. అల్లరి నరేష్ గా మారిన నరేష్.. తొట్టి గ్యాంగ్.. మా అల్లుడు వెరీ గుడ్.. డేంజర్.. కితకితలు.. గోపి గోడ మీద పిల్లి.. సీమశాస్ట్రీ సినిమాలతో మంచి విజయాలు సాధించారు.. 2002 నుంచి 2007 వరకు 18 సినిమాలు చేశారు..


2008లో ఒక పక్క తన స్పీడ్.. మరో పక్క తన నటనా వైవిధ్యం.. అటు పరిశ్రమకు.. ఇటు ప్రజలకు.. తెలియ చేశారు నరేష్. నేటి తరం ఏ హీరో చేయలేని విధంగా ఒక సంవత్సరంలో తాను నటించిన 8 సినిమాలు విడుదలయ్యాయి. అందులో విశాఖ ఎక్స్ ప్రెస్ సినిమాతో హీరో గా మాత్రమే కాకుండా ఒక నెగటివ్ పాత్రలో కనిపించారు.. ఆ సినిమాలో తన నటనకు విమర్శకుల ప్రశంసలు లభించాయి.. అదే సంవత్సరం విడుదలైన మరో సినిమా గమ్యం.. శర్వానంద్ తో కలిసి నటించిన ఆ సినిమా భారీ విజయాన్ని నమోదు చేసుకోవడంతో పాటు నరేష్ నటనకు ప్రేక్షకులు మంచి మార్కులు వేశారు. అదే సంవత్సరం బాపు..రమణ గార్ల సినిమా సుందరఖండ లో సైతం నటించారు. నేటి తరం హీరోలలో ఎవరికి ఆ అవకాశం దక్కలేదు. అలా 2008లో అనేక రికార్డులు అందుకున్నారు నరేష్.



ఆ తర్వాత వరసగా కామెడీ సినిమాలకు కేర్ ఆఫ్ అడ్రస్ గా మారిపోయారు నరేష్. 2012లో వచ్చిన సుడిగాడు.. ఒక టికెట్ తో వంద సినిమాలు అనే శీర్షక సినిమా నరేష్ ను సడన్ స్టార్ గా మార్చేసింది.. 100 సినిమాల పేరడీ తో తీసిన ఆ సినిమా బాక్స్ ఆఫీస్ వద్ద భారీ విజయం నమోదు చేసుకుంది. 2013లో దేశంలోనే తొలి కామెడీ 3డి సినిమా చేశారు నరేష్. 2014లో లడ్డు బాబు తో భారీ ఆకారంలో కనిపించి నవ్వించారు నరేష్. ఇలా కామెడీ సినిమాలలో సైతం భిన్నంగా.. తనదైన ముద్ర ఉండేలా సినిమాలు చేశారు నరేష్.


2019లో సూపర్ స్టార్ మహేష్ బాబు నటించిన మహర్షి సినిమాలో పల్లెటూరు పాత్రలో చాలా బాగా చేసి.. అందరిని అలరించారు నరేష్. 2004లో తను నటించిన నేను సినిమా పాత్రకు ఈ పాత్ర దగ్గరగా ఉంటుంది.. ఇప్పుడు తాజాగా నాంది సినిమాతో మరో విలక్షణ పాత్రకు శ్రీకారం చుట్టినట్లు పోస్టర్స్ చూస్తే తెలుస్తుంది.. నేడు ఆయన పుట్టిన రోజు సందర్భంగా నాంది టీజర్ విడుదల కానుంది.. అలానే తాను నటించిన మరో సినిమా బంగారు బుల్లోడు సినిమా టీజర్ సైతం నేడే విడుదల కానుంది..


18 ఏళ్ళ సినీ ప్రస్థానం.. 57 సినిమాలతో మనని అలరించిన కామెడీ కింగ్.. సడన్ స్టార్.. స్లిమ్ స్టార్.. అల్లరి నరేష్ గారు ఇలానే మరిన్ని పుట్టినరోజులు జరుపుకోవాలని.. మనల్ని ఇలానే అలరించాలని.. భారీ విజయాలు నమోదు చేయాలని ఆసిస్తూ.. మా బి.ఆర్. మూవీ జోన్.. తరపున జన్మదిన శుభాకాంక్షలు..!

దర్శకత్వ పాఠాలు నేర్చుకుంటున్న హీరో నిఖిల్..!

దర్శకత్వ పాఠాలు నేర్చుకుంటున్న హీరో నిఖిల్..!



నిఖిల్ సిద్దార్థ్.. కొత్త పెళ్ళి కొడుకు.. నేడు అర్జున్ సురవరం జీ తెలుగు లో రానున్న సందర్భంగా ప్రచారం కొరకు.. సామాజిక మాధ్యమంలో కాసేపు అభిమానులతో మాట్లాడారు.. ఇందులో అభిమానులు సంధించిన కొన్ని ప్రశ్నలకు ఆయన సమాధానాలు ఇప్పుడు ఫిల్మ్ నగర్ లో హాట్ టాపిక్ గా మారాయి..


ఇప్పటికే లాక్ డౌన్ లో మేక్ ఓవర్ అవుతున్నట్లు ఫోటోలు బయట పెట్టిన నిఖిల్ ను సిక్స్ ప్యాక్ ఎప్పుడు అని అడుగగా.. కార్తికేయ 2 లో ఉండచ్చు అని చెప్పారు.. అలానే మరో ప్రశ్నకు కార్తికేయ2 లో పాము కాదు పాములు ఉంటాయి అని బదులిచ్చారు.. అలానే తను కొత్తగా లాక్ డౌన్ లో ఏం నేర్చుకున్నారు అని అడిగితే.. తాను ఫిల్మ్ మేకింగ్ పాఠాలు గత 3 నెలలుగా హాజరవుతునట్లు చెప్పారు.. లాక్ డౌన్ కారణంగా చిత్ర పరిశ్రమ పూర్తిగా స్తంభించిపోయింది.. దింతో అందరూ ఇంట్లో నుండి మొబైల్.. కంప్యూటర్ ద్వారా వీడియో కాల్స్.. మాట్లాడుతున్నారు.. ఇదే కోవలో ఎవరి దగ్గరో నిఖిల్ దర్శకత్వ పాఠాలు నేర్చుకుంటున్నరా.. లేక ఇప్పటికే అప్లోడ్ చేసిన ఏవైనా ఆన్ లైన్ క్లాసుల వీడియోలు చూస్తున్నారా అనే విషయం ఆయన చెప్పలేదు..


14 సంవత్సరాల సినీ జీవితంలో.. 17 సినిమాలు నటించిన అనుభవం.. తో 35 ఏళ్ళ వయసులో దర్శకత్వ మెలకవులు నేర్చుకుంటున్నరు నిఖిల్ సిద్దార్థ్.. ఇప్పటికైతే.. లాక్ డౌన్ వల్ల వచ్చిన కాళీ సమయాన్ని వృధా చేయకుండా.. తను పని చేస్తున్న చిత్ర పరిశ్రమలోని కొత్త విషయాలు నేర్చుకోవడం అనే తపనతో పాఠాలు వింటునట్లు అర్ధమవుతుంది.. ప్రస్తృతనికి తానేడో నిజంగా దర్శకత్వం చేయాలి అనే ఆలోచన లేకున్నా.. భవిషత్తులో ఏమి జరుగుతుందో ఎవరు ఉహించలేము కదా.. కానీ.. అటు వర్క్ ఔట్స్.. ఇటు డైరెక్షన్ పాఠాలు రెండు కూడా తను ఉన్న చిత్ర పరిశ్రమకు సంబంధించిన అంశాలే.. సినీ రంగంపై నిఖిల్ కు ఎంత ఇష్టం ఉందో.. ఉహించకుండా దొరికిన కాళీ సమయాన్ని తాను గడుపుతున్న విధానం చూస్తే అర్ధమవుతుంది.. నిఖిల్.. కార్తికేయ 2.. 18 పేజీస్ అనే రెండు సినిమాలలో నటిస్తున్నారు.. వాటిల్లో కొత్తగా ఎలా కనపడుతారో చూడాలి.. ఇదండీ సరదాగా అభిమానులతో నిఖిల్ పంచుకున్న విషయాలు..

తండ్రి.. అన్నయ్యలకు వారసుడిగా వచ్చి మ్యాచో స్టార్ గా మారిన గోపిచంద్

తండ్రి.. అన్నయ్యలకు వారసుడిగా వచ్చి మ్యాచో స్టార్ గా మారిన గోపిచంద్



తెలుగు వెండితెరపై అతి చిన్న వయసులోనే అటు హీరోగా.. ఇటు విలన్ గా చేసి మంచి పేరు తెచ్చుకున్న నేటి తరం నటుడు.. యాక్షన్ సినిమాలకు కేర్ ఆ అడ్రెస్ గా మారిన మ్యాచో స్టార్ గోపిచంద్ గారు నేడు 42వ పుట్టిన రోజు జరుపుకుంటున్నారు.. ఈ సందర్భంగా ఆయన గురించి కొన్ని విషయాలు..


1983 నుండి 1986 మధ్య తెలుగు పరిశ్రమలో వరసగా విప్లవ సినిమాలు వచ్చాయి.. అందులో నేటి భారతం.. దేశంలో దొంగలు పడ్డారు.. దేవాలయం.. వందేమాతరం.. ప్రతిఘటన.. ఇన్ని సినిమాలు చేసిన ఒక రచయిత.. దర్శకులు.. నిర్మాత.. తొటెంపుది కృష్ణ గారు.. ఆయన మరణానంతరం విడుదలైన సినిమా రేపటి పౌరులు.. ఈ సినిమాలు ఆ తరాని కదిలించాయి.. నేటి తరం పీపుల్ స్టార్ గా పేరు పొందిన ఆర్. నారాయణ మూర్తి గారికి స్ఫూర్తి ఈయనే.. అలాంటి టి. కృష్ణ గారి సినీ వారసుడిగా ముత్యాల సుబ్బయ్య వద్ద దర్శక డిపార్ట్ మెంట్ లో పని చేసి.. సొంత బ్యానర్ లో సినిమా ప్రారంభించిన పెద్ద కుమారుడు ప్రేమ్ చంద్ ఆ సినిమా మధ్యలోనే రోడ్ ప్రమాదంలో మృతి చెందారు.. ఇదంతా ఇప్పుడు ఎందుకు అంటే..


1979లో ఆ టి. కృష్ణ గారి రెండవ కుమారుడిగా జన్మించి.. 8 ఏళ్ళ వయసులో తండ్రిని కోల్పోయిన ఆ యువకుడి పేరు గోపిచంద్.. బి.టెక్ చదవడానికి రష్యా వెళ్లిన గోపిచంద్ కు తన అన్నయ్య మరణ వార్త మరో షాక్.. వీసా ఇబ్బందుల కారణంగా గోపిచంద్ ఆనాడు రాలేకపోయారు.. ఆ తర్వాత విద్య పూర్తి చేసుకొని వచ్చిన గోపిచంద్.. సినీరంగంలోకి అడుగు పెట్టారు.. తొలుత డైలాగ్ డెలివరీ కోసం శిక్షణ తీసుకున్నారు.. 2001లో తొలివలపు అనే సినిమా ద్వారా ప్రేక్షకుల ముందుకు వచ్చారు.. తొలి సినిమాతోనే మంచి పేరు తెచ్చుకున్నారు..



2002 లో తేజ గారి దర్శకత్వంలో వచ్చిన జయం సినిమాలో విలన్ గా కనిపించారు.. హీరోగా సినిమాలు చేయాలని వచ్చిన గోపిచంద్ నెగటివ్ రొల్ చెయ్యడం అప్పుడు టాక్ ఆఫ్ ఇండస్ట్రీ అయింది.. 2003లో నిజం.. 2004లో వర్షం లో విలన్ గా చేశారు.. తమిళంలో తెలుగు జయం రీమేక్ లోను ప్రతి నాయకుడు పాత్ర చేశారు.. ఇక ఇలాంటి పాత్రలే చేస్తారేమో అనుకునే లోపు.. యజ్ఞం సినిమా తో మళ్ళీ హీరోగా చేశారు.. అక్కడ నుండి వెనక్కి చేసుకున్నది లేదు.. ఆంధ్రుడు.. రణం.. రారాజు.. ఒక్కడున్నాడు.. అంటూ వరస మాస్ సినిమాలతో రాయలసీమలో స్టార్ హీరోగా మారిపోయారు.. 2007లో వచ్చిన లక్ష్యం సినిమా అందరిని ఆకట్టుకుంది.. దింతో చిత్ర పరిశ్రమలో పెద్ద హీరోగా మారిపోయారు గోపిచంద్..


ఒంటరి.. శౌర్యం.. శంఖం సినిమాలు చేసిన గోపిచంద్ కు సరైన హిట్ పూరి జగన్నాథ్ గారు ఇచ్చారు.. 2007లో వచ్చిన గోళీమార్.. గోపిచంద్ కెరీర్ లో టాప్ సినిమాలలో ఒక్కటిగా పేరు తెచ్చుకుంది.. అటు పేరు ఇటు వస్సులు రాబట్టింది ఈ సినిమా.. గంగా రామ్.. గంగు భాయ్ అంటూ పిల్లల నుండి పెద్దల దాక అందరికి నచ్చిన పాత్ర అది.. ఆ తర్వాత వాంటెడ్.. మొగుడు.. సాహసం.. లోక్యం.. జిల్.. సౌఖ్యం.. గౌతమ్ నందా.. ఆక్సిజన్.. ఆరడుగుల బులెట్ వంటి సినిమాలు చేశారు.. 25వ సినిమాగా 2018లో పంతం అనే సినిమా చేశారు.. గత సంవత్సరం చాణక్య సినిమా చేసిన గోపిచంద్ ఇప్పుడు సంపత్ నంది దర్శకత్వంలో సీటీమార్ అనే సినిమా చేస్తున్నారు..


అటు విలన్ గా ఇటు హీరోగా మంచి పేరు సంపాదించిన గోపిచంద్.. మరిన్ని సంవత్సరాలు.. ఇలానే పరిశ్రమలో సినిమాలు చెయ్యాలని.. విభిన్న పాత్రలతో మనల్ని అలరించాలని కోరుకుందాం.. మ్యాచో స్టార్ గోపిచంద్ గారికి బి.ఆర్.మూవీ. జోన్ బృందం తరపున జన్మిదిన శుభాకాంశాలు..