25-01-2021 10:44:08 About Us Contact Us
రెబెల్ స్టార్ ప్రభాస్ 22వ సినిమా ఆదిపురుష్. భారీ బడ్జెట్ 3డి సినిమా.!

రెబెల్ స్టార్ ప్రభాస్ 22వ సినిమా ఆదిపురుష్. భారీ బడ్జెట్ 3డి సినిమా.!


ఉదయం(ఆగస్ట్ 18న) ప్యాన్ ఇండియా హీరో.. రెబల్ స్టార్ ప్రభాస్ తదుపరి చిత్రం టైటిల్ పోస్టర్ విడుదల చేశారు. ప్రభాస్ 22వ సినిమా టైటిల్ ఆదిపురుష్. సినిమా యొక్క ట్యాగ్‌లైన్ “చెడుపై మంచి విజయాన్ని జరుపుకుంటుంది” అని ఆ పోస్టర్ లో ఉంది.దేశంలోనే భారీ బడ్జెట్ తో తెరకెక్కుతున్న 3డి మూవీ ఇది.వివరాల్లోకి వెళ్తే..


తన్హాజీ తో భారీ విజయం అందుకున్న ప్రముఖ బాలీవుడ్ దర్శకుడు ఓం రౌత్‌తో కలిసి ఒక పెద్ద వార్త రేపు ఉదయం చెప్తాను అని ప్రభాస్ ఇన్‌స్టాగ్రామ్‌లో పోస్ట్ చేసినప్పటి నుండి అటు భారతీయ చిత్ర పరిశ్రమ తో పాటు ఇటు ప్రభాస్ డై హార్ట్ ఫాన్స్.. ఆ వార్త గురించి ఎదురు చూడటంతో పాటు అనేక ఊహాగానాలు చేశారు..


ఆదిపురుష్ గురించి పెద్దగా తెలియకపోయినా, రాబోయే కాలంలో, యాక్షన్ చిత్రంలో ప్రభువు రాముడి పాత్రను ప్రభాస్ పోషించినట్లు తెలుస్తుంది. పురాణ రామాయణం కూడా చెడుపై మంచి విజయాన్ని జరుపుకుంటుంది.. ట్యాగ్‌లైన్ కూడా అదే సూచిస్తుంది. వాస్తవానికి, ఆదిపురుష్ యొక్క పోస్టర్ మధ్యలో విల్లును పట్టుకున్న ప్రధాన పాత్రను కలిగి ఉంది మరియు ‘గడా’ పట్టుకున్న నేపథ్యంలో హనుమంతుడిలాంటి వ్యక్తి కూడా కనిపిస్తాడు. రావణుడి పది తలలు కూడా ఆదిపురుష్ పోస్టర్ మధ్యలో ఉన్నాయి.



ఆదిపురుష్ హిందీ మరియు తెలుగు భాషలలో చిత్రీకరించబడుతుంది మరియు తమిళం, మలయాళం, కన్నడ మరియు అనేక అంతర్జాతీయ భాషలలో డబ్ చేయబడుతుంది.ఈ చిత్రం 2021 లో చిత్రీకరణ ప్రారంభించి 2022 లో విడుదల చేస్తారు. ఇది 3 డిలో చిత్రీకరణ చేయనున్నారు.ప్రముఖ నిర్మాణ సంస్థ టి.సిరీస్ ఈ సినిమాను తెరకెక్కిస్తుంది.


ఈ సినిమాతో ప్రభాస్ నేరుగా హిందీలో చేయబోయే తొలి సినిమా కానుంది.ఇప్పటికే బాహుబలి నుండి అన్ని సినిమాలు హిందీ లో విడుదలైనప్పటికి.. బాలీవుడ్ నిర్మాత.. దర్శకుడితో కలిసి సినిమా చేయడం ఇదే తొలిసారి.టైటిల్ పోస్టర్ తోనే అంచనాలు భారీగా పెంచిన ఈ సినిమా చూడాలంటే, 2022 దాక ఆగాల్సిందే.

హీరోల పరువు తీస్తున్న కొందరు అభిమానులు..!

హీరోల పరువు తీస్తున్న కొందరు అభిమానులు..!



అవును నిజమే.. అభిమానులు లేనిదే హీరోలు లేరు.. ఎంతమంది అభిమానులు ఉంటే ఆ హీరోకి అంత ఎక్కువ పారితోషకం వస్తుంది.. అలానే సినిమాను ఎంత ఎక్కువ మంది చూస్తే.. అంత ఎక్కువ డబ్బులు వస్తాయి.. అందుకే తెలుగు చిత్ర పరిశ్రమ ఎప్పుడు ప్రేక్షకులకు మర్యాద ఇచ్చింది.. వారిని ప్రేక్షక దేవుళ్ళు అని సంభోదించింది.. అలానే పిలుస్తూనే ఉంటుంది.. అలానే హీరోలు సైతం ఎప్పుడు వారి అభిమానులు కనిపించినా ఆప్యాయంగా పలకరిస్తూ ఉంటారు.. హీరో ను కలిసేందుకు సెట్స్ కి అభిమానులు వస్తే.. వారికి భోజనాలు సైతం ఏర్పాటు చేస్తుంటారు.. ఇక్కడ డబ్బుకు మించిన ప్రేమ అభిమానిది అయితే.. మేము తింటున్న భోజనం వీరి వల్లనే అనే కృతజ్ఞత ఆ సగటు సినిమా వారిది.. అందుకే హీరోలకు అభిమానులు పట్ల గౌరవం.. బాధ్యత ఉంటాయి..


తన అభిమాన హీరో సినిమా విడుదలవుతుంది అనగానే డబ్బులు లేకున్నా కట్ ఔట్ లకి పాలభిషేకాలు.. పూలమాలలు.. ర్యాలీలు చేస్తుంటారు.. తొలి రోజు తొలి ఆటకి అభిమాని సినిమా హాల్ ని ఒక కల్యాణ మండపంలా మారుస్తుంటారు.. అప్పట్లో కొందరు అభిమానులు పంతానికి పోయి.. రికార్డుల కోసం.. అప్పు చేసి మరీ సినిమాను.. థియేటర్ లో ఆడిస్తే.. ఆ తర్వాత అప్పు తీర్చలేక ఆత్మహత్య చేసుకుంటే ఆ నింద సగటు హీరో పైకి వచ్చేది.. అలా చేయమని హీరో ఎక్కడా చెప్పారు.. కానీ అభిమానం పేరుతో కొందరు చేసి.. హీరోని మానసికంగా బాధ పెట్టిన సంఘటనలు మనకు తెలియనివి కావు..


ఆ తర్వాతి రోజుల్లో అభిమానం సేవపైకి మళ్ళింది.. ఏ హీరో పుట్టినరోజుకి.. లేక సినిమా విడుదల రోజుకి.. ఎంత పెద్ద సేవా కార్యక్రమం చేస్తారు అనే పోటీ నెలకొనింది.. ఇది నచ్చిన చాలా మంది వ్యాపార వేత్తలు.. డబ్బు ఉన్న అభిమానులు.. వీరికి ఆర్థికంగా సహాయం చేయడంతో సేవా కార్యక్రమాలు బాగా జోరందుకున్నాయి.. అవి తెలుసుకొని హీరోలు సైతం గర్వంగా మా అభినులు గొప్ప అనే స్థాయికి చేరారు..కానీ .. ఇప్పుడు తరం మారింది.. కొత్త ట్రెండ్ వచ్చింది.. సామాజిక మద్యామాలలో అదే అభిమానులలో కొందరు ఆ హీరో పరువు తీస్తున్నారు..


పుట్టిన రోజు.. లేదా సినిమాకు సంబంధించిన ట్రెండ్ సామాజిక మాధ్యమాలలో జరగడం సర్వ సాధారణం అయిపోయింది.. ఇప్పుడు దానినే పరువుగా భావిస్తున్న కొందరు ఆ ట్రెండ్ ల కోసం ఫేక్ అకౌంట్స్ ఓపెన్ చెయ్యడం ప్రారంభించారు.. పిచ్చి బాగా ముదిరిన మరికొందరు.. ఏకంగా యంత్రాలను సైతం రంగంలోకి దించారు.. డబ్బులు ఇచ్చి బోట్స్ అని పిలిచే వాటితో ట్రెండ్స్ లో పాలుగోనడం మొదలు పెట్టారు.. టెక్నాలజీ బాగా పెరిగిన ఈ సమయంలో అవి ఇలా చేస్తున్నారు అని వేరే హీరోల అభిమానుల బయట పెట్టడం.. దింతో నిజంగా అభిమానించి ట్రెండ్ చేసిన అభిమానులు నిరుత్సాహ పడిపోతుంటే.. హీరో పరువు అక్కడ పోయింది.. దీనికి కారణం ఆ కొందరు అభిమానులే కదా..


సామాజిక మాద్యామాలలో ద్వారా అభిమానులకు.. ప్రేక్షకులకు.. దగ్గరైయే ప్రయత్నం చిత్ర పరిశ్రమలో వారు చేస్తున్నారు.. ఈ నేపథ్యంలోనే లైవ్ లు అంటూ.. ప్రశ్నించండి(ask) అంటూ సినీ పరిశ్రమకు సంబంధించిన సెలబ్రిటీలు ముందుకు వస్తున్నారు.. అయితే వెంటనే కొందరు అభిమానాలు.. ఒక ముక్కలో అంటూ.. సగటు హీరో పేరు అడుగుతున్నారు.. వారి గురించి చెప్పడానికి.. లేక వారి గురించి ప్రేక్షకులు ఏమనుకుంటున్నారో తెలుసుకోవడానికి వస్తున్న ప్రతి సినీ సెలెబ్రిటీకి ఇదొక తల నొప్పిగా మారింది.. కేవలం హీరోల గురించి మాత్రమే చెప్పేందుకు హీరోయిన్లు.. కమిడియన్స్.. సహా నటులు.. దర్శక.. నిర్మాతలు.. సంగీత దర్శకులు.. సింగర్స్.. రైటర్స్.. సోషల్ మెడియాలోకి రావాలా..?? ఇదే అసహనం అనేక మంది అనేక సార్లు నాతోనే స్వయంగా చెప్పుకొచ్చారు.. ఒకవేళ వారి గురించి చెప్పకపోయినా.. తెలియదు అని చెప్పినా.. లేకుంటే ఈ ఇద్దరిలో ఎవరు అని అడిగిన ప్రశ్నకు ఒక హీరో పేరు చెప్పినా.. ఇక అంతే.. అదేంతో ఒక్కసారిగా అనేక అకౌంట్స్ నుండి దండ యాత్ర మొదలేదుతారు.. అసభ్య పదజాలంతో చదివేందుకు కూడా మనం ఇష్టపడలేనటు వంటి పదాలు వాడుతారు.. ఇక్కడ ఏ హీరో ఎవరిని అడగలేదు.. మా గురించి ప్రతి ఒక్కరిని అడగమని.. కానీ వీరే అడిగి.. వీరే రచ్చ చెయ్యడం మొదలు పెడతారు.. దింతో కొన్ని సార్లు.. సగటు హీరోకి ఆ సెగ తగులుతుంది.. ఏదో షో లో ఎక్కడో ఒక హీరోపై ఒక్కలు చేసిన చిన్న వ్యాఖ్యను పట్టుకొని రాదంతం చేస్తారు.. చివరకు.. ఏ మాత్రం ప్రతిభ లేకుండా పట్టుమని పది మందికి తెలియని వారు కూడా.. కేవలం కొందరు అభిమానుల అత్యుత్సాహం వల్ల సెలబ్రిటీగా ఇప్పుడు చలామణి అవుతున్నారు.. హీరోలు సైతం ఈ అభిమానులను ఎలా అదుపు చేయాలో తెలియక తలలు పట్టుకుంటుంటే.. నిజమైన అభిమానులు బాధ పడుతున్నారు..


అందుకే అంటున్నా కొందరి అభిమానుల వల్ల హీరోల పరువు పోతుంది..

15సం|| పూర్తి చేసిన అనుష్క శెట్టి పై ప్రత్యేక కథనం

15సం|| పూర్తి చేసిన అనుష్క శెట్టి పై ప్రత్యేక కథనం


2004,ముంబయిలో నటన,డాన్స్ వచ్చో,రాదో తెలియని ఒక కన్నడ అమ్మాయి తెలిసిన వారు చెప్పారని అప్పటికే తెలుగు చిత్ర పరిశ్రమలో స్టార్ డైరెక్టర్ లలో ఒక్కరిగా పేరు తెచ్చుకున్న పూరి జగన్నాధ్ గారు నాగార్జున గారి సినిమా కోసం హీరోయిన్ ని వెతుకుతున్న సమయంలో కలిసింది.ఆ రోజుకి ఆమెకు సినిమా గురించి ఎంతలా తెలుసంటే ఫోటోలు ఇమ్మని అడిగితే పాస్ పోర్ట్ ఫోటో ఇచ్చేంత.చూసేందుకు అందంగా కనపడడంతో ఆ యోగా టీచర్ ని హైదరాబాద్ రమ్మన్నారు మన పూరి.

అలా విమానం ఎక్కిన ఆమె,విమనంలోనే దర్శకులు వై.వి.యెస్.చౌదరి గారి కంట పడింది.విమానంలొనే చౌదరి గారు సినిమాలలో చేసే ఆలోచన ఉందా అని అడగగా నేను సినిమా చేసేందుకే హైదరాబాద్ బయలుదేరాను అని చెప్పింది ఆ అమ్మాయి.ఆ తర్వాత అన్నపూర్ణ స్టూడియోస్ లో ససీనియర్ డైరెక్టర్ రాఘవేంద్ర రావు గారిని కలిసింది,ఆ రోజే ఆయన ఆమె గొప్ప నటి అవ్వడం ఖాయం అని చెప్పరాట ఆమెకు,నాగార్జున గారికి.

ఇలా తొలి సినిమా చెయ్యక ముందే ముగ్గురు దర్శకుల ప్రశంస పొందిన ఆమె పూరి గారి దర్శకత్వంలో ‘సూపర్’ సినిమాతో తెరంగేట్రం చేసి,మంచి మార్కులే కొట్టేసింది.మూడవ సినిమాతో రాజమౌళి,రవితేజ కలయికలో వచ్చిన మాస్ మూవీ ‘విక్రమార్కుడు’లో నటించి తెలుగు ప్రేక్షకులకు బాగా దగ్గరయ్యింది.అలా నాలుగు సంవత్సరాలు గడిచే సరికి తెలుగులో మెగాస్టార్ చిరంజీవి గారి నుండి అందరి హీరోలతో కలిసి 13 సినిమాలు చేసేసింది ఆ హీరోయిన్.

2009 ఆమె సినీ జీవితాన్ని పూర్తిగా మార్చేసింది.ఇలయథాలపతి విజయ్ తో వేటైకరణ్ అనే సినిమా తో రెండవసారి తమిళంలో ఒక సినిమా చేసింది ఆ ముద్దు గుమ్మ.ఆ సినిమా అక్కడ బ్లాక్ బస్టర్,అదే సంవత్సరం ఇక్కడ తెలుగులో ప్రభాస్ తో చేసిన బిల్లా సైతం బాక్స్ ఆఫీస్ వద్ద పెద్ద హిట్ గా నిలిచింది.ఇంతటితో అయిపోలేదు అదే సంవత్సరం ఈ రెండింటికి ముందు విడుదలయ్యింది అరుంధతి.ఆ సినిమా రికార్డ్స్ మాత్రమే కాక ఆమెకు నటిగా మంచి పేరు తెచ్చింది.ఇదే ఆమె చేసిన తొలి లేడీ ఓరియెంటెడ్ సినిమా.అక్కడ నుండి తిరిగి చేసుకున్నది లేదు.

2009-2019 వరకు పది సంవత్సరాలలో అటు తెలుగు ఇటు తమిళంలోని అగ్ర కధానాయకులందరితో కలిసి నటించింది.తమిళంలో రజినీకాంత్,అజిత్,విజయ్ ల నుండి సూర్య,కార్తీ,సింబు,ఆర్యల దాక ఇటు తెలుగులో మెగాస్టార్ చిరంజీవి,బాలకృష్ణ,నాగార్జున,వెంకటేష్,మహేష్ బాబు ల నుండి అల్లు అర్జున్,ప్రభాస్,రానా దాక ఎదరితోనో చేసింది.
అంతేనా అరుంధతి తో మొదలై పంచాక్షరీ,రుద్రమదేవి,సైజ్ జీరో,భాగమతి అంటూ హీరోయిన్ ఓరియెంటెడ్ సినిమాలు చేసింది.తెలుగు,తమిళ భాషతో పాటు,డాన్స్ కూడా నేర్చుకుంది.కళ్ళతో హవాభావాలు పలికించడంతో పాటు తన శరీరం మొత్తం పాత్రకు తగ్గట్లు మార్చడం,ఆమెకు సినిమా పట్ల గౌరవం,పాత్ర కోసం ఆమె పడే తపన కనిపిస్తుంది.అందరితో మంచిగా మాట్లాడడం,తెలిసిన వారికి సహాయపడటం,క్రమశిక్షణ,చెప్పిన సమయానికి లొకేషన్ కి రావడం,ఫిట్ నెస్ వంటి ఏనో మంచి లక్షణాలు ఉన్నాయి కనుకనే ఆమె 40కి పైగా సినిమాలు చేయగలిగారు.

అందరి హీరోయిన్లలా గ్లామరస్ పాత్రలు మాత్రమే కాక ఎంతో ప్రతిష్టాత్మక బాహుబలిలో దేవసేన,సైరా,రుద్రమదేవి సినిమాలలో రుద్రమదేవి పాత్ర చెయ్యడం.వేదం సినిమాలో సరోజ పాత్ర,సైజ్ జీరో సినిమాలో స్వీటీ పాత్ర,అరుంధతి,భాగమతి పాత్రలతో ఆమెకు ప్రేక్షకులలో గౌరవం వచ్చింది.2004 పేరు అడిగితే అమాయకంగా స్వీటీ అని చెబుతూ ముంబై నుంచి హైదరాబాద్ వచ్చిన ఆమె ఇప్పుడు అనుష్క శెట్టి గా దక్షిణాదిన లేడీ సూపర్ స్టార్ గా ఒక్క వెలుగు వెలుగుతున్నారు.ఇప్పుడు రానున్న నిశ్శబ్దం సినిమాతో మాట మాట్లాడకుండా నటిస్తూ,నటిగా మంచి పాత్ర తెచ్చే మరో పాత్ర చేస్తున్నారు.

వెండితెరకు పరిచయమై ఒక్కతిన్నర దశాబ్దం (15 సంవత్సరాలు) పూర్తి చేసుకున్న అనుష్క మరెనో సంవత్సరాలు సినిమాలు చేస్తూనే ఉండాలి అని కోరుకుంటూ తెలుగు ప్రేక్షకుల తరపున,చిత్ర పరిశ్రమ తరపున,ముఖ్యంగా ఆమె అభిమానుల తరపున,మా బి.ఆర్.మూవీ జోన్ టీం తరపున అభినందనలు,శుభాకాంక్షలు..!

తొలి పలుకు..!

తొలి పలుకు..!

ఎందరో కళామ తల్లి ముద్దు బిడ్డలు,మరెందరో ప్రేక్షకులు అందరికి వందనాలు..!

ప్రపంచానికి సినిమా ఒక వినోదం,కానీ ఒక సినిమా తెర మీద కనిపించే నటి,నటులు,నృత్య కళాకారులు,పోరాట యోధులతో పాటు తెర వెనుక పని చేసే దర్శక,సంగీత,ఎడిటింగ్, గ్రాఫిక్స్, డబ్బింగ్ విభాగాలు అంటూ ఎందరికో ఉద్యోగ అవకాశం ఇస్తుంది.ఇవి కాకుండా సినిమా ప్రారంభానికి ముందు ఆఫీస్ లో పని చేసే ఆఫీస్ బాయ్ నుండి విడుదలకు ముందు పోస్టర్స్ అతికించే వారి వరకు మరెందరికో పని కలిపిస్తుంది సినిమా.

88 సంవత్సరాల తెలుగు చలన చిత్ర పరిశ్రమ ఎందరినో ఆయా విభాగాలకు స్టార్ లను చేసింది,మరెందరికో ఉద్యోగావకాశాలను కలిపించింది.డిజిటల్ యుగంలో మన తెలుగు సినిమా స్థాయి రాష్ట్రాలు,దేశాలు, ఖండాంతరాలు దాటేసింది.ఒక పక్క ప్రజలకు వినోదం అందిస్తూ,మరో పక్క అనేక కుటుంబాలకు జీవనాధారంగా మారిన తెలుగు చిత్ర పరిశ్రమ “ఇంతింతై వటుడింతై” అన్నట్లు ప్రతి సినిమాకి తన స్థాయిని పెంచుకుంటూ ఒక ప్రాంతీయ పరిశ్రమ నుండి నేడు ప్రపంచ వ్యాప్తంగా కొన్ని కోట్ల రూపాయల వ్యాపారం జరిగే పరిశ్రమగా మారింది.

అటువంటి చిత్ర పరిశ్రమ విషయాలు తెలుసుకునేందుకు ప్రజలు సహజంగానే ఆశక్తి కనబరుస్తున్నారు.కేవలం చిత్ర పరిశ్రమ విశేషాలు అందించేందుకే ఎన్నో మ్యాగ్జైన్లు పుట్టుకొచ్చాయి.డిజిటల్ జమానలో అనేక వెబ్సైట్లు,యూట్యూబ్ ఛానల్ లు వెలిశాయి.ఇప్పటికీ ప్రింట్ మరియు ఎలక్ట్రానిక్ మీడియాలో సినిమా వార్తలు మాత్రమే చదివే,చూసే పాఠకులు,వీక్షకులు వున్నారు.నిత్యం సినిమా ప్రకటనల రూపంలో ప్రింట్,ఎలక్ట్రానిక్,మరియు సోషల్ మీడియాకు ఎన్నో లక్షల రూపాయలు పరిశ్రమ ఇస్తుంది.కానీ అదే చిత్ర పరిశ్రమలోని వ్యక్తి ఒక చిన్న తప్పు చేసినా,ఆ వార్తకు ఇవ్వాల్సిన దానికంటే మించిన ప్రాధాన్యత ఇస్తుంటారు.

నేను,ఒక వెబ్సైట్ ప్రారంభించనునట్లు కొంత మందితో పంచుకున్నపుడు నాకు వారు చెప్పిన మాటలు కొంచెం కష్టపడితే బాగా డబ్బులు వస్తాయి.సినిమాకు రేటింగ్,రివ్యూ ఇవ్వు ప్రొడ్యూసర్స్ నుండి డబ్బులు డిమాండ్ చెయ్యి,గాసిప్స్ బాగా రాయి,వ్యక్తిగతంగా ఎవరైనా తప్పు చేసి దొరికితే ఒక్కటికి పది ఆర్టికల్స్ రాయి ఎక్కువ మంది చూస్తారు అని సలహా ఇచ్చారు. అంటే సినిమా విశేషాలు,నటి,నటుల,సాంకేతిక నిపుణుల నైపుణ్యాలను దాటి వారి వ్యక్తిగత విషయాల పై కొంతమంది ఎక్కువ దృష్టి పెడుతున్నారు.వాటికే ప్రజల నుండి కూడా భారీ స్పందన వస్తుండడంతో వాటికి ప్రాధాన్యత మరింత పెరిగిపోయింది. మరో పక్క ఎంత పెద్ద స్టార్ హీరో సినిమా అయినా తొలి రోజు తొలి ఆట వరకే ప్రచారం,ఆ తర్వాత సినిమా బాగుందో లేదో ప్రేక్షకులు నిర్దారించేస్తారు. కానీ రివ్యూ,రేటింగ్ అంటూ అక్కడ కూడా కొందరు…,

ఈ వెబ్సైట్ లో కేవలం సినిమా విషయాలు, నటి,నటుల,సాంకేతిక నిపుణులు సినిమాకు వారందించిన సేవలు గురించి,కొత్త తరంలో కొత్తవారిని ప్రోత్సహించడం మాత్రమే తప్ప వారి వ్యక్తి గత విషయాలు,చిత్రం విడుదల అనంతరం రివ్యూలు అంటూ ఎటువంటి వ్యాసాలు రాయబడవు. చిన్నతనం నుండి పత్రికలు చదవడం,వార్తలు చూడడం,వ్యాసాలు రాయడం ఇష్టం,మరో పక్క వయసు పెరిగే కొద్ది చిత్ర పరిశ్రమపై ఆశక్తి పెరుగుతుండడంతో చిత్ర పరిశ్రమ గురించి వార్తలు రాసేందుకు వెబ్సైట్ ప్రారంభించాలి అని భావించాను.ఏమి చేసినా మనదైన ముద్ర ఉండాలి అని ఎవరైనా భావిస్తారు నేను అలాగే నా ధోరణిలో వెళ్ళేందుకు సిద్ధపడి,బ్రేక్ ది రూల్స్ అని నామకరణం చేశాను.చిత్ర పరిశ్రమ నాకు అర్థమైన విధానం,నేను చూసిన కోణంలో వ్యాసాలు రాస్తాను.నా వ్యాసాల పై మొహమాటం లేకుండా మీ అభిప్రాయాలను నాతో పంచుకుంటారని,నచ్చితే షేర్ చేసి ఆదరిస్తారు అని భావిస్తూ

ధన్యవాదాలు,
సెలవు.
మీ
నిఖిల్ కార్తీక్,
సంపాదకుడు.