05-03-2021 09:34:16 About Us Contact Us


మెగా ఫ్యామిలీ నుండి వస్తున్న మరొక హీరో “పంజా వైష్ణవ్ తేజ్”. మెగా అల్లుడు వైష్ణవ్ కథనాయకుడిగా పరిచయం చేస్తూ.. బుచ్చిబాబు సన దర్శకత్వంలో.. సుకుమార్ రైటింగ్స్ బ్యానర్ మరియు మైత్రి మూవీ మేకర్స్ సంయుక్తంగా నిర్మిస్తున్న చిత్రం ఉప్పెన.


ఉప్పెన అంటే ఉప్పు + పెన, పెన అంటే బంధం ఉప్పునీటి బంధం అని ఉప్పు నీరు ఎంత తాగినా దాహం తీరదు ఈ చిత్రం కూడా అలాంటి చక్కటి ప్రేమ కథ అని గేయ రచయిత చంద్రబోస్ ఓ సందర్బంగా చెప్పారు.


సుప్రీమ్ హీరో సాయి ధరమ్ తేజ్ తమ్ముడు వైష్ణవ్ తేజ్ మరియు మొదటి సినిమా విడుదల అవ్వకముందే అభిమానులను సంపాదించుకున్న కీర్తి శెట్టి జంటగా సుకుమార్ శిష్యుడు బుచ్చిబాబు సాన దర్శకత్వంలో వస్తున్న చిత్రం ఉప్పెన.విడుదలైన చిత్ర పాటలు, టీజర్, ట్రైలర్.. సినిమా మీద అంచనాలను ఒక రేంజ్ కి తీసుకుని వెళ్లాయి. అలాగే ప్రీ రిలీజ్ ఈవెంట్ లో మెగాస్టార్ చిరంజీవి మాట్లాడుతూ సినిమాలో మీరు ఊహించని ట్విస్ట్ ఉందని దాన్ని దర్శకుడు అద్భుతంగా చూపించాడు అన్నారు. దింతో సినిమా పై ఆసక్తి మరింత పెరిగింది.


స్వచ్ఛమైన ప్రేమకథని మీ ముందుకి ఫిబ్రవరి 12న తీసుకుని వస్తున్నాం అన్నారు దర్శకుడు సుకుమార్ రైటింగ్స్ సమర్పణలో మైత్రి మూవీ మేకర్స్ నిర్మిస్తున్న ఈ చిత్రంలో విజయ్ సేతుపతి ప్రతినాయకుడిగా కనిపించునున్నారు. దేవి శ్రీ ప్రసాద్ అందించిన నేపథ్య సంగీతం మంచి పేరు ని గడించాయి. పాటలు మ్యూజికల్ గా మంచి విజయాన్ని అందుకోగా సినిమా కూడా ఆ స్థాయి విజయాన్ని అందుకుంటుంది అని నమ్మకంతో ఉన్నారు చిత్ర బృందం.


షమదత్ సైనిద్దీన్ సినిమాటోగ్రఫి సినిమాకి అదనపు అందంగా నిలవగా.. విశాఖపట్నం లోని బీమిలి తదితర ప్రాంతాలలో చిత్రికరించిన ఈ చిత్రాన్ని అచ్చ తెలుగు నేపథ్యం కొట్టొచ్చినట్టు చూపించారు తన కెమెరా పనితనంతో ఇక ఎడిటర్ గా ప్రముఖ ఎడిటర్ నవీన్ నూలి పని చేసారు. నటీనటుల మరియు సాంకేతిక నిపుణుల ఎంపికతోనే సంగం విజయం సాధించిన బుచ్చి బాబు సినిమా ఎలా తీసాడో తెలియలన్నా.. చూసేందుకు హీరోలా అందంగా కనిపిస్తున్న.. మెగా కుటుంబం నుండి వస్తున్న వైష్ణవ్ నటన ఎలా చేశారో తెలియాలంటే మటుకు మరి కొన్ని గంటలు ఆగాల్సిందే..


రేపు(ఫిబ్రవరి 12న) భారీ అంచనాల నడుమ విడుదల అవుతున్న ఉప్పెన చిత్రం అద్భుత విజయాన్ని అందుకోవాలని మనస్ఫూర్తిగా కోరుకుందాం.