05-03-2021 09:12:00 About Us Contact Us


ప్రతి ఏడాది స్టార్ హీరోలు ఒక్కొక్కరు ఒక సినిమా విడుదల చేసేవారు కానీ కరోనా కారణంగా విడుదల చేయడానికి థియేటర్స్ లేకపోవడం వల్ల బాగా గ్యాప్ వచ్చింది. ఇప్పుడు అన్ని సినిమాలు కలిసి తమ స్థానాలను ఎంపిక చేసుకునే పనిలో పడ్డాయి. వరసగా గత రెండు రోజులుగా అన్ని చిత్ర బృందాలు.. సినిమా విడుదల తేదీలను ప్రకటిస్తూ అభిమానులలో నుతున ఉత్సాహం నింపుతున్నారు.


RRR :- రామ్ చరణ్, ఎన్టీఆర్ కధానాయకులుగా దర్శక దీరుడు రాజమౌళి తెరకేక్కిస్తున్న ప్రతిష్టాత్మక చిత్రం RRR ఈ చిత్రాన్ని అక్టోబర్ 13న విడుదల చేయనున్నట్టు చిత్ర బృందం పోస్టర్ ను విడుదల చేసి ప్రకటించాయి.


పుష్ప :- క్రియేటివ్ జీనియస్ సుకుమార్ స్టైలిష్ స్టార్ అల్లు అర్జున్ కాంబినేషన్ లో వస్తున్న మూడవ చిత్రం పుష్ప ఈ చిత్రాన్ని ఆగష్టు 13న విడుదల చేస్తున్నట్టుగా ఒక పోస్టర్ ను రిలీజ్ చేసారు.


F3 : విక్టరీ వెంకటేష్, మెగా ప్రిన్స్ వరుణ్ తేజ్ నటించిన F2 (Fun nd frustration ) 2019 సంక్రాంతికి విడుదల అయ్యి భారీ విజయాన్ని అందుకుంది ఇప్పుడు F2 కి కొనసాగింపుగా F3 ని తెరకేక్కిస్తున్నాడు అనిల్ రావిపూడి ఈ చిత్రాన్ని ఆగష్టు 27 న విడుదల చేస్తున్నట్టు ప్రకటించారు.


జాతి రత్నాలు :- ఏజెంట్ శ్రీనివాస్ అత్రేయతో మంచి విజయాన్ని అందుకున్న నవీన్ పోలిశెట్టి కధానాయకుడుగా స్వప్న సినిమాస్ బ్యానర్లో ప్రియాంక దత్ నిర్మిస్తున్న చిత్రం జాతిరత్నాలు ఈ చిత్రాన్ని మార్చ్ 11న విడుదల చేయనున్నారు.


విరాటపర్వం :- రానా దగ్గుబాటి, సాయి పల్లవి జంటగా సుధాకర్ చెరుకూరి తెరకేక్కిస్తున్న చిత్రం విరాటపర్వం ఈ చిత్రాన్ని ఏప్రిల్ 30 న విడుదల చేయనున్నారు ఈ చిత్రంలో కామ్రేడ్ రవన్న పాత్రలో రానా కనిపించునున్నాడు.
సీటీమార్ :- గోపీచంద్, మిల్కీ బ్యూటీ తమన్నా జంటగా సంపత్ నంది దర్శకత్వం వహిస్తున్న చిత్రం సిటిమార్ ఈ చిత్రాన్ని ఏప్రిల్ 2 న విడుదల చేయనున్నారు.


గని :- వరుణ్ తేజ్ కథానాయకుడుగా కన్నడ స్టార్ హీరో ఉపేంద్ర, జగపతి బాబు లు ముఖ్య పాత్రాలు పోషించిన చిత్రం గని ఈ చిత్రాన్ని జులై 30న విడుదల చేయనున్నారు.. ఈ చిత్రంలో వరుణ్ తేజ్ బాక్సర్ గా కనిపించనున్నాడు.


మేజర్ :- తక్కువ బడ్జెట్ తో అత్యాధునిక సాంకేతిక విలువలు కలిగిన చిత్రాలు చేసే కథానాయకుడు అడివి శేషు ఈ చిత్రంలో మేజర్ సందీప్ ఉన్ని కృష్ణన్ పాత్రలో నటిస్తున్న ఈ చిత్రాన్ని జులై 2 న విడుదల చేయనున్నారు.


వీటితో పాటు.. పవర్ స్టార్ వకీల్ సాబ్.. మరియు ఆయన రానా కలిసి చేస్తున్న సినిమా ఈ సంవత్సరమే విడుదల చేయనున్నారు. మెగాస్టార్ ఆచార్య.. కింగ్ నాగార్జున వైల్డ్ డాగ్.. విక్టరీ వెంకీ నారప్ప ఇలా జాబితా చాలానే ఉంది. మరో వారం రోజుల్లో అన్ని సినిమాల విడుదల తేదీలను ప్రకటించనున్నారు. మొత్తం చూస్తూనే ఈ సంవత్సరం తెలుగు చిత్ర పరిశ్రమ సినిమా ఉత్సవాన్నే నిర్వహించేలా ఉన్నాయి. విడుదలకి సిద్ధం అవుతున్న చిత్రాలు అన్ని మంచి విజయాలు అందుకోవాలి అని.. సినిమా హాల్స్ మరియు పరిశ్రమ కళకళలాడాలని కోరుకుందాం..!