05-03-2021 09:38:40 About Us Contact Us


క్లాస్ మాస్ అని తేడా లేకుండా అన్ని వర్గాల ప్రేక్షకులను అలరించే హీరో మెగాస్టార్ చిరంజీవి గారు. తెలుగు చిత్ర పరిశ్రమలో చిరంజీవి గారికి ఉన్న ఇమేజ్ చెక్కుచెందరనిది..


అలాంటి మెగాస్టార్ పక్కా మాస్ కమర్షియల్ డైరెక్టర్ కొరటాల శివ తో సినిమా అంటే అభిమానుల్లో చాలా అంచనాలు ఉంటాయి. అంతేకాక రామ్ చరణ్ ముఖ్య పాత్రలో మేరవడంతో సినిమా మీద అంచనాలు రెట్టింపు అయ్యాయి. అంచనాలను అందుకోవడంలో మన ఆచార్య ఎంతవరకు సక్సెస్ అయ్యాడు కొరటాల.. చిరంజీవి గారిని ఎలా చూపించబోతున్నాడు అనే ప్రశ్నలకు ఈ టీజర్ తో సమాధానం దొరికినట్టేనా? ఈ ఆర్టికల్ తో తెలుసుకుందాం..


ఇక టీజర్ విషయానికి వస్తే రామ్ చరణ్ వాయిస్ ఓవర్ తో స్టార్ట్ అవుతుంది.. “ఇతరులకోసం జీవించేవారు దైవంతో సమానం.. అలాంటి వారి జీవితాలే ప్రమాదంలో పడితే.. ఆ దైవమే వచ్చి కాపాడాల్సిన పనిలేదు”. అలానే మెగాస్టార్ చిరంజీవిని ఒక మాస్ కోణంలో తెరపైకి తీసుకుని వచ్చాడు కొరటాల.. ఆ మాస్ లుక్ ప్రేక్షకులకు నచ్చిందని టీజర్ కు వస్తున్న స్పందనను బట్టి తెలిసిపోతుంది. విజువల్స్ చాలా బాగున్నాయి. ఇప్పటికే 7మిలియన్ వ్యూస్ సాధించింది ఈ టీజర్.


పక్కా కమర్షియల్ మాస్ ఎలిమెంట్స్ తో చిరంజీవిని ఫ్యాన్స్ ఎలా చూడాలి అనుకుంటున్నారో అలాంటి అన్ని అంశాలను జతచేసి చూపించాడు కొరటాల. టీజర్ వచ్చిన దగ్గర నుండి యూట్యూబ్ లో మొత్తమోగించారు ఫ్యాన్స్.. సామాజిక మాధ్యమంలో ఇదే ఇప్పుడు ట్రెండింగ్. మెగాస్టార్ మరియు మణిశర్మ కాంబినేషన్ లో వస్తున్న ఈ చిత్రానికి అదిరిపోయే బ్యాక్ గ్రౌండ్ మ్యూజిక్ అందించారు మెలోడీ బ్రాహ్మ మణిశర్మ. ప్రేక్షకులకు మళ్ళీ ఇంద్ర రోజులు గుర్తు చేసారనే చెప్పాలి.


ఈ చిత్రాన్ని మే 13 న విడుదల చేస్తున్నట్టు చిత్ర బృందం పోస్టర్స్ విడుదల చేసారు. ఈ చిత్రంలో రామ్ చరణ్ సిద్దా పాత్రలో కనిపించునున్నాడు. ఆకలి మీద ఉన్న సినీమాభిమానులకు మంచి కమర్షియల్ చిత్రంగా వస్తున్న “ఆచార్య” భారీ విజయాన్ని అందుకోవాలని మనస్ఫూర్తిగా ఆశిస్తున్నాం.