16-01-2021 04:52:25 About Us Contact Us
సామాజిక మాధ్యమాల్లో ఉప్పెన లా ఎగిసిపడుతున్న ఉప్పెన టీజర్..!

సామాజిక మాధ్యమాల్లో ఉప్పెన లా ఎగిసిపడుతున్న ఉప్పెన టీజర్..!



మెగా ఫ్యామిలీ నుండి వస్తున్న మరో యువ కధానాయకుడు పంజా వైష్ణవ్ తేజ్ నటించిన చిత్రం ఉప్పెన. ప్రముఖ దర్శకుడు సుకుమార్ అందించిన కథతో బుజ్జిబాబు సన దర్శకత్వం వహించారు.


వైష్ణవ్ తేజ్ సరసన మలయాళం నటి కృతి శెట్టి నటించగా తమిళ అగ్ర కథానాయకుడు మెక్కల్ సెల్వం అదే విజయసేతుపతి ప్రతినాయకుడు పాత్రలో నటిస్తున్న ఈ చిత్రం టీజర్ ని సంక్రాంతి కానుకగా మొన్న విడుదల చేసారు.


ఒక చక్కటి ప్రేమకావ్యం లాంటి కథని తెరపై ఆవిష్కరిస్తున్నట్టు ఉంది ఈ చిత్రం టీజర్.. హీరోయిన్ హీరో తో పలికే సంభాషణలు మనసుకు హత్తుకునేలా ఉన్నాయ్ అనడం లో ఎటువంటి సందేహం లేదు “నీకు నాకు మధ్య ప్రేమ ఎందుకు ఆని పక్కన పెట్టేసా” అంటూ చెప్పే మాటలు బావున్నాయి. టీజర్ కి దేవి శ్రీ ప్రసాద్ అందించిన నేపథ్య సంగీతం అద్భుతంగా ఉంది ప్రతి సన్నివేశాన్ని మరో మెట్టు పైకి తీసుకుని వెళ్ళేలా ఉంది నేపథ్య సంగీతం. ఇప్పటికే విడుదలైన పాటలు సూపర్ హిట్ గా నిలిచాయి. విడుదలైన టీజర్ కు ప్రక్షుకుల నుండి మంచి స్పందన వస్తుంది.. ఇప్పటికే 5 మిలియన్ వ్యూస్ మార్క్ ని దాటేసింది. దింతో సినిమా పై భారీ అంచనాలు నెలకొన్నాయి.



సమధత్ సైనుద్దీన్ కెమెరా పనితనం సినిమాకి అదనపు ఆకర్షణగా నిలిచించి ఇంకా ఆర్ట్ డైరెక్టర్ మోనికా రామకృష్ణ స్క్రీన్ ని అందంగా చూపించడంలో అదనపు హంగులు అద్దరు.. మైత్రి మూవీ మేకర్స్ బ్యానర్ నుండి నవీన్ యారనేని,వై. రవి శంకర్ నిర్మిస్తున్న ఈ చిత్రాన్ని వేసవి కానుకగా విడుదల చేయడానికి చిత్ర బృందం సన్నాహాలు చేస్తుంది.





సంక్రాంతి బరిలో బెల్లంకొండ “అల్లుడు అదుర్స్ “

సంక్రాంతి బరిలో బెల్లంకొండ “అల్లుడు అదుర్స్ “



బెల్లంకొండ సాయి శ్రీనివాస్, నభా నటేష్,అను ఇమ్మాన్యూల్ ప్రధాన పాత్రలో కందిరిగ చిత్ర దర్శకుడు సంతోష్ శ్రీనివాస్ రౌతు తెరకేక్కించిన “అల్లుడు అదుర్స్ ” చిత్రం సంక్రాంతి కానుకగా జనవరి 14 న విడుదల కానుంది. పక్కా కమర్షియల్, యాక్షన్ ఎంటర్టైనర్ గా వస్తున్న ఈ చిత్రంలో ప్రకాష్ రాజ్, సోను సూద్ ముఖ్యపాత్రలో నటించారు.


ఇప్పటికే విడుదలైన ప్రచార చిత్రాలు పాటలు సామాజిక మధ్యమాలలో సందడి చేస్తున్నాయి. ఈ చిత్రానికి రాక్ స్టార్ దేవి శ్రీ ప్రసాద్ బాణిలు సమాకూర్చారు. ఇటీవల బిగ్ బాస్ తో మంచి క్రేజ్ సంపాదించుకున్న మోనాల్ గజ్జర్ ప్రేత్యేక గీతంలో అలరించునుంది ఈ పాట అత్యధిక బడ్జెట్ తో విజవల్ వండర్ గా తెరకేక్కించారు అని చిత్రబృందం తెలియచేసారు.


సుమంత్ మూవీ ప్రొడక్షన్ బ్యానర్ మీద గొర్రెల సుబ్రహ్మణ్యం నిర్మాత గా రూపుదిద్దుకున్న ఈ చిత్రానికి చోటా.కె.నాయుడు చూపించిన విజువల్స్ టీజర్ కి ప్రత్యేక ఆకర్షణగా నిలిచాయి.


టీజర్ కి దేవి శ్రీ ప్రసాద్ అందించిన నేపధ్య సంగీతం వినసొంపుగా ఉంది మరియు రామ్ లక్ష్మణ్ మాస్టర్స్ రూపొందించిన యాక్షన్ ఎపిసోడ్స్ సినిమాకి అదనపు హంగులు అద్దుతుంది అని చిత్రబృందం ఆశాభావం వ్యక్తం చేసారు. సంక్రాంతి కానుకగా వస్తున్న అల్లుడు అదుర్స్ చిత్రం బాక్స్ ఆఫీస్ దగ్గర ప్రేక్షకులను అందరించాలని ఆశిద్దాం.

“రెడ్” తో సంక్రాంతి కి “రెడీ’ అంటున్న “ఇస్మార్ట్” రామ్.!

“రెడ్” తో సంక్రాంతి కి “రెడీ’ అంటున్న “ఇస్మార్ట్” రామ్.!



తన ఎనర్జీతో ప్రేక్షకులను అలరించే రామ్ ఈ సారి సంక్రాంతి అల్లుడుగా బరిలోకి దిగబోతున్నాడు.ఇప్పటికే ఇస్మార్ట్ శంకర్ వంటి ఇండస్ట్రీ హిట్ తో మంచి ఫార్మ్ లో ఉన్న రామ్ మరో విజయం తన ఖాతాలో ఖాయమని ధీమా తో ఉన్నారు.


రామ్ పోతినేని.. మాళవిక శర్మ జంటగా నీవేత పేతురాజ్ ముఖ్యపాత్రలో నటించిన చిత్రం రెడ్. తమిళ చిత్రం తడం ఆధారంగా తెరకేకుతున్న ఈ చిత్రాన్ని ఇప్పటికే రామ్ తో నేను శైలజ, ఉన్నది ఒక్కటే జిందగీ చిత్రాలతో విజయాలు అందుకున్న దర్శకుడు కిషోర్ తిరుమల.. హ్యాట్- ట్రిక్ సినిమాగా ఈ చిత్రాన్ని తెరకేక్కిస్తున్నారు. నిర్మాణాంతర కార్యక్రమాలు పూర్తి చేసుకున్న ఈ చిత్రం జనవరి 14 న సంక్రాతి కానుకగా విడుదల కానుంది. విడుదలైన ప్రచార చిత్రాలకు.. పాటలకు అద్భుతమైన స్పందన వస్తుంది.


ఈ చిత్రంలో ప్రతేక ఆకర్షణగా హెబ్బా పటేల్ చేసిన ఐటమ్ సాంగ్ నిలవనుంది.. మెలోడీ బ్రహ్మ మణిశర్మ అందించిన సంగీతం గురించి ప్రత్యేకంగా చెప్పుకోవాలి.. ఇప్పటికే విడుదలైన టీజర్ కి అయన ఇచ్చిన నేపథ్య సంగీతానికి విశేషమైన ఆదరణ లభిస్తుంది. ఇక పాటలు సమాజిక మాధ్యమాలలో మారు మొగుతున్నాయి.


రామ్.. కిషోర్ కలయికలో వచ్చిన రెండు చిత్రాలు కమర్షియల్ గా మంచి విజయాన్ని అందుకోవడం.. మరో పక్క తమిళనాట బ్లాక్ బస్టర్ ఐన కథ కావడంతో ఈ చిత్రం మీద భారీ అంచనాలు ఉన్నాయ్.ఈ సినిమాలో రామ్ ద్విపాత్రాభినయం చ్చేసినట్లు పోస్టర్స్ ని చుస్తే తెలుస్తుంది.ఇది ఈ సినిమాకు మరో ఆసక్తి కలిగించే అంశం. ఎనర్జీటిక్ స్టార్ గా పేరు పొందిన రామ్ ఇమేజ్ తగ్గకుండా.. మంచి థ్రిల్లర్ సినిమాగా తెరకెకించినట్లు సినిమా బృందం తెలిపింది.


స్రవంతి మూవీస్ బ్యానర్ పై రవికిశోర్ నిర్మిస్తున్న ఈ చిత్రం ఈ సంక్రాంతికి విడులవుతున్న సందర్భంగా మంచి విజయాన్ని అందుకోవాలి అని కోరుకుందాం.




లవ్ స్టోరీ టీజర్ తో లవ్ లో పడేసిన శేఖర్ కమ్ముల

లవ్ స్టోరీ టీజర్ తో లవ్ లో పడేసిన శేఖర్ కమ్ముల



సున్నితమైన ప్రేమ కథలను విభిన్నమైన తరహాలో చూపించడంలో సిద్దహాస్తుడు శేఖర్ కమ్ముల గారు తను తీసే ప్రతి చిత్రారాన్ని అన్ని వర్గాల ప్రేక్షకులను అలరించేలా ఉంటాయి అయన సినిమాలు.అయన దర్శకత్వం లో వస్తున్న తాజా చిత్రం లవ్ స్టోరీ నాగ చైతన్య, సాయి పల్లవి జంటగా నటించిన ఈ చిత్ర టీజర్ ని చిత్ర బృందం ఈరోజు విడుదల చేసారు.


ఈ మధ్య కాలంలో నాగ చైతన్య నటనలో ఎంతో పరిణితి చెందాడు అనే చెప్పాలి తన కెరీర్ లో చేసిన వాటిలో ఎక్కువ లవ్ స్టోరీస్ అనే చెప్పాలి.. తెలుగింటి అమ్మాయిలా అనిపించి వరుణ్ తెజ్ సరసన ఫిదాతో తెలుగు ప్రేక్షకులకు పక్కింటి అమ్మాయిలా మారిపోయింది సాయి పల్లవి


ఇంకా టీజర్ విషయానికి వస్తే మనం ముందు మాట్లాడుకున్నట్టుగానే శేఖర్ కమ్ముల సినిమా అంటే ప్రేక్షకులు ఎలాంటి అంశాలు ఉండాలి అనుకుంటారో అన్ని కలబోసి చూపించారు.మధ్య తరగతి అబ్బాయి కి.. జీవితంలో ఏదో సాధించాలి అని ఆరాటపడే అమ్మాయి కి మధ్య ప్రేమకథని ఈ చిత్రం ద్వారా మనకి పరిచయం చేయబోతున్నారు శేఖర్ కమ్ముల.


ఈ చిత్ర టీజర్ లో నాగ చైతన్య చెప్పే సున్నితమైన సంభాషణలు తెలంగాణ యాసతో అద్భుతంగా అనిపించాయి.. నాగ చైతన్య, సాయి పల్లవి మధ్య ఎమోషనల్ డైలాగ్స్ టీజర్ లో ఉన్నవి ఒకటి రెండు అయినా మనసుకి హత్తుకునేలా ఉన్నాయి.


శ్రీ వెంకటేశ్వర సినిమాస్ బ్యానర్ లో నారాయణ దాస్ k నరాగ్ మరియు పుస్కర్ రామ్ సంయుక్తంగా నిర్మిస్తున్న ఈ చిత్రానికి పవన్ CH సంగీతం చిత్రాన్ని మరొక మెట్టు ఎక్కించింది అనే చెప్పాలి.


శేఖర్ కమ్ముల గారి నుండి వస్తున్న మరొక ఫీల్ గుడ్ మూవీ ఈ లవ్ స్టోరీ అని టీజర్ తో అర్ధం అవుతుంది. ఈ చిత్రం నాగ చైతన్య కెరీర్ లో మైలురాయిగా నిలవాలని చిత్ర బృందానికి మరపురాని విజయాన్ని అందించాలి అని ఆశిద్దాం.

లవ్ స్టొరీ టీజర్

కే.జీ.ఎఫ్ తో స్టార్ హీరోగా మారిన యష్ పుట్టిన రోజు నేడు.!

కే.జీ.ఎఫ్ తో స్టార్ హీరోగా మారిన యష్ పుట్టిన రోజు నేడు.!



కే.జీ.ఎఫ్ సినిమాతో ఒక ప్రాంతీయ భాష హీరో స్థాయి నుండి.. భారతదేశం మొత్తం తెలిసే స్థాయికి చేరిన నటుడు. ఇటీవల ముఖ్యంగా మన తెలుగులో విపరీతమైన ప్రజాదరణ పొందిన పరభాషా నటుడు యష్ పుట్టినరోజు సందర్భంగా ప్రత్యేక కథనం…


మనం యష్ అని పిలుచుకునే రాకింగ్ స్టార్ అసలు పేరు నవీన్ కుమార్ గౌడ.. కర్ణాటకలో జన్మించిన యష్ మైసూర్లో ఉన్న మహాజన్ హై స్కూల్ లో ప్రాధమిక విద్యని అభ్యసించాడు.ఈ స్కూల్ లో చదువుకుంటున్న సమయంలోనే త్రిపాటీలు వేసే నాటకాలను చూసి ఆసక్తి పెంచుకున్నాడు. స్కూల్ విద్య అయిపోయిన తరువాత ప్రముఖ నాటక కర్త బి వి కారత్ గారు స్థాపించిన బేరకా అనే నాటక సంస్థలో జాయిన్ అయ్యి నటనలో మెలకువలు నేర్చుకున్నాడు.


తరువాత యష్ నాటకాలను సీరియల్ డైరెక్టర్ అశోక్ కాశ్యప్ చూసి.. తాను డైరెక్ట్ చేస్తున్న నందగోకులే అనే సీరియల్ లో అవకాశం ఇచ్చాడు ఈ సీరియల్ ఈటీవీ కన్నడలో ప్రసారం అయ్యేది. ఉదయ్ టీవీ లో రోజా నటించిన ఉతరాయణ అనే సీరియల్లో కూడా నటించాడు. ఇలా సీరియల్స్ లో నటిస్తూనే సినిమా అవకాశలకోసం ప్రయత్నాలు చేసే వాడు నవీన్ కుమార్ గౌడ అలియాస్ యష్….


ఆలా ప్రయత్నాలు చేస్తున్న తరుణంలో డైరెక్టర్ ప్రియదర్శి దర్శకత్వం లో వచ్చిన జమబలపూడిగిలో అంత ప్రాధాన్యత లేని పాత్రలోనైనా సరే కష్టపడి చేసిన తత్వం చుసిన డైరెక్టర్ శశాంక్.. తన చిత్రం మగ్గిన మనసు అనే చిత్రంలో ఒక ప్రాధాన్యం ఉన్న పాత్ర ఇచ్చారు. ఈ చిత్రం 2008 లో విడుదలై మంచి విజయం సాధించింది. ఈ చిత్రానికి గాను యష్ కి ఫిల్మ్ ఫేర్ అవార్డు కూడా వచ్చింది.


ఆ తర్వాత.. రాజధాని, డ్రామా,గూగ్లీ వంటి చిత్రాలతో సూపర్ హిట్స్ అందుకున్నారు. తనతో మగ్గిన మనసు, డ్రామా వంటి చిత్రాల్లో తనకి జంటగా నటిచ్చిన రాధికా పాండేను 2016 డిసెంబర్ 9 న బెంగళూరు లో వివాహం చేసుకున్నారు.


అప్పటి వరకు ఉన్న యష్ క్రేజ్ ని కే.జి.ఎఫ్ చిత్రం శిఖరాగ్రానికి తీసుకుని వెళ్లి కన్నడ చిత్రసీమలో యష్ ని సింహాసనం మీద కూర్చోపెట్టింది. డిసెంబర్ 21, 2018 న ప్రశాంత్ నీళ్ దర్శకత్వం వహించిన కే.జీ.ఎఫ్ చిత్రం విడుదలైన అన్ని బాషల్లోను అద్భుతమైన విజయాన్ని అందుకుంది.


ఇప్పుడు దానికి పార్ట్ -2 కూడా వస్తుంది. కే.జీ.ఎఫ్ చాప్టర్ 2 టీజర్ విడుదలకి ఒకరోజు ముందు అనగా నిన్న రాత్రి లీక్ అవ్వడంతో చిత్ర యూనిట్ ఇవాళ విడుదల చేయాల్సిన టీజర్ ని నిన్న రాత్రి 9:29 కి విడుదల చేసారు. విడుదలైన ఈ టీజర్ ఇప్పటి వరకు ఉన్న యూట్యూబ్ రికార్డ్స్ ని తిరగరాస్తూ 24 గంటలు గడవకముందే 50M విక్షకులతో 3M లైక్స్ ని సొంతం చేసుకుంది.


ఇలాంటి మరిన్ని చిత్రాలాతో ప్రేక్షకులని అల్లరిస్తూ ఎన్నో విజయాలను సొంతం చేసుకుని.. మనస్పూర్తిగాగా కోరుకుంటూ మా బి.ఆర్. మూవీ జోన్ తరపున జన్మదిన శుభాకాంశాలు తెలుపుకుంటు.. ఆయనను చూసి యువత.. వచ్చిన ప్రతి అవకాశాన్ని విజయాలుగా ఎలా మలుచుకోవాలో తెలుసుకుంటారు అని ఆశిస్తున్నాం.

కే.జీ.ఎఫ్ టీజర్