25-10-2021 22:39:11 About Us Contact Us
నేటి తరం తెలుగు హీరోయిన్ చాందిని చౌదరి పుట్టినరోజు స్పెషల్.!

నేటి తరం తెలుగు హీరోయిన్ చాందిని చౌదరి పుట్టినరోజు స్పెషల్.!



యూట్యూబ్ లో పరిచయమై.. వెండితెరపై అలరించి.. ఇప్పుడు ఓ.టి.టి లలో సైతం దూసుకుపోతున్న మన తెలుగమ్మాయి చాందిని చౌదరి.అందం.. అభినయం.. కలగలిసిన అభినేత్రి.కైలాషగిరి పర్వతాలలో షార్ట్ ఫిల్మ్ షూటింగ్ చేస్తుంటే దూరం నుంచి ఒక వ్యక్తి చూస్తున్నాడని సిగ్గుతో డైలాగ్ చెప్పడం ఆపేసిన దగ్గర నుండి ఇప్పుడు వందల మంది మధ్యలో నిర్భయంగా నటించే స్థాయికి చేరిన చాందిని నేడు (అక్టోబర్ 23) పుట్టినరోజు జరుపుకుంటున్న సందర్భంగా ప్రత్యేక కథనం.


చిన్నతం నుండి చదువుతో పాటు క్రీడల్లో రణించింది చాందిని.ఇంజినీరింగ్ లో అమ్మాయిలు అతి తక్కువగా ఉన్న మెకానికల్ తీసుకోవడంలోనే తెలుస్తుంది ఆమెకు నచ్చింది చేసే నైజం.. దేనికి బయపడని గుణం.బిటెక్ చదువుతూ తనకు నచ్చిన చిత్ర పరిశ్రమ వైపు అడుగు వేసేందుకు షార్ట్ ఫిలిమ్స్ తో ప్రేక్షకులకు పరిచయమైంది.థి వీక్(the week) అనే షార్ట్ ఫిల్మ్ లో (రాజ్ తరుణ్ తో) 2011లో తొలిసారి కనిపించారు.అక్కడ నుండి ఎంతోమంది తెలుగు యువకుల మనసును కొల్లగొట్టారు.


చాందిని చౌదరి షార్ట్ ఫిల్మ్ విడుదలవుతుందంటే ఆ రోజుల్లో సామాజిక మాధ్యమాల్లో మంచి హడావిడి ఉండేది.ఇప్పుడంటే యూట్యూబ్.. ఇంస్టాగ్రామ్.. టిక్ టాక్ లో అనేకమంది అమ్మాయిల పేర్లు వినిపిస్తున్నాయి. కానీ..ఆ రోజుల్లో యూట్యూబ్ లో తెలుగు అమ్మాయి అంటే అందరికి గుర్తుకొచ్చే ఒకే ఒక్క పేరు చాందిని చౌదరి.2014లో వచ్చిన మధురంతో.. ఆ రోజుల్లో కాలేజీ చదివే విద్యార్థులకు ఆమె ఒక డ్రీమ్ గర్ల్ గా మారిపోయారు.



అప్పుడే తెలుగు చిత్రపరిశ్రమ నుండి అవకాశాలు వచ్చినా ఇంట్లో వాళ్ళు చదువు ముందు అనడంతో చదువు పూర్తి చేసుకొని పరిశ్రమ వైపు అడుగులు వేశారు. 2015లో “కేటుగాడు”తో తెరంగ్రేటం చేసి.. “శమంతకమణి” ధరించి “హౌరా బ్రిడ్జి” పై “కుందనపు బొమ్మ” లా “మను” తో కలిసి “కలర్ ఫోటో” దిగేందుకు సిద్ధంగా ఉంది.


అటు వెండితెరపై సంవత్సరానికి ఒక సినిమా చేస్తూనే.. కొత్తగా వచ్చిన ఓటీటీ లలో సైతం వెబ్ సిరీస్ లలో నటించి మెప్పించారు చాందిని.ఇప్పటికే “గాడ్స్ ఆఫ్ ధర్మపురి”.. “మస్తిస్” తో వెబ్ సిరీస్ చూస్తున్న నేటి తరం యువతకు బాగా చేరువయ్యారు.నేడు.. తన పుట్టినరోజున విడుదల కానున్న కలర్ ఫోటో సినిమా తో అటు పెద్దవారికి.. ఇటు యువతకు మరింత చేరువకనున్నట్లు విడుదలైన టీజర్.. పాటల తో అర్ధమవుతుంది.


పరాయి భాషల్లో అవకాశాలు వస్తున్నా.. కథల ఎంపికలో చాలా జాగ్రత్తగా ఆచి తూచి అడుగు వేస్తుంది.ఆమె కథల ఎంపిక చూస్తుంటే నాకు నిత్యా మీనన్ గుర్తుకొస్తుంది.ఎన్ని సినిమాలు చేశాం అని కాదు.. చేసిన పాత్రల వల్ల.. మనం ఎంత ప్రభావం చూపాము అనే సిద్ధాంతం బాగా నమ్ముతున్నట్లు కనిపిస్తుంది.అవకాశం దొరికినప్పుడల్లా తెలుగు హీరోయిన్లు దొరకడం లేదని చెప్పే మన చిత్ర పరిశ్రమ పెద్దలకు.. దర్శకనిర్మాతలకు.. చాందిని చౌదరి ఎందుకు కనపడటం లేదనేది బదులు దొరకని ప్రశ్న..!


అప్పుడప్పుడే ఇంటర్నెట్.. స్మార్ట్ ఫోన్స్ వినియోగం పెరుగుతున్న రోజుల్లో ఒక తెలుగు అమ్మాయి ఇంట్లో వాళ్ళని ఒప్పించి.. షార్ట్ ఫిలిమ్స్ లో నటించి.. ప్రేక్షకులను మెప్పించి.. యూట్యూబ్ లో తొలి లేడీ స్టార్ గా ఎదిగటం.. షార్ట్ ఫిలిమ్స్ క్వీన్ అనే పేరు సంపాదించటం చాలా గొప్ప విషయం.9ఏళ్ళుగా ప్రేక్షకులను అలరిస్తున్న క్వీన్ చాందిని చౌదరి.. రానున్న రోజుల్లో వెండితెర పై విభిన్న పాత్రలు చేసి చిత్ర పరిశ్రమలో సైతం ప్రకాశించాలని కోరుకుంటూ.. నేడు(అక్టోబర్ 23న)పుట్టిన రోజు జరుపుకుంటున్న చాందిని చౌదరి గారికి మా బి.ఆర్.మూవీ జోన్ తరపున పుట్టిన రోజు శుభాకాంశాలు..!

ప్యాన్ ఇండియా హీరోగా మారిన రెబల్ స్టార్ ప్రభాస్ పుట్టినరోజు స్పెషల్.!

ప్యాన్ ఇండియా హీరోగా మారిన రెబల్ స్టార్ ప్రభాస్ పుట్టినరోజు స్పెషల్.!


ఈశ్వర్ తో పరిచయమై.. వర్షం తో భారీ విజయం సాధించి.. ఛత్రపతి తో యంగ్ రెబల్ స్టార్ గా మారిన అమ్మయిల డార్లింగ్.. ఆరడుగుల మిస్టర్ పర్ఫెక్ట్.. ఉప్పలపాటి ప్రభాస్ రాజు.రేపు(అక్టోబర్23న) అటువంటి బాహుబలి పుట్టినరోజు సందర్భంగా ప్రత్యేక కథనం..!


ప్రముఖ నిర్మాత ఉప్పలపాటి సూర్యనారాయణ రాజు మరియు శివ కుమారిల మూడవ సంతానం ప్రభాస్.భీమవరంలో కొద్ది సంవత్సరాలు చదువుకున్న ప్రభాస్.. ఆ తర్వాత హైదరాబాద్ లో పూర్తి చేశారు.పెద్దనాన్న రెబల్ స్టార్ కృష్ణంరాజు గారి వారసుడిగా 2002లో జయంత్. సి. పరంజాయ్ దర్శకత్వంలో.. ఆర్.పి.పట్నాయక్ సంగీత దర్శకుడిగా.. శ్రీదేవి విజయకుమారి హీరోయిన్ గా ఈశ్వర్ సినిమాతో హీరోగా పరిచయమయ్యారు.వెంటనే రాఘవేంద్ర సినిమా చేశారు.తొలి రెండు సినిమాలతో మంచి నటుడిగా పేరు తెచ్చుకున్నారు.



2004లో విదులైన వర్షం సినిమాతో భారీ విజయం అందుకున్నారు ప్రభాస్.అక్కడ నుండి అందరికి తెలిసిన చరిత్రే.తాను చేసిన ఒక్కో సినిమాతో తనకంటూ అభిమానులను పెంచుకుంటూ పోయారు ప్రభాస్.ఛత్రపతి.. పౌర్ణమి.. బిల్లా సినిమాలతో తెలుగు చిత్ర పరిశ్రమలో స్టార్ హీరోల జాబితాలో చేరిపోయారు.డార్లింగ్.. మిస్టర్ పర్ఫెక్ట్.. మిర్చి.. సినిమాలతో అమ్మయిల అభిమాన హీరో అయిపోయారు.ఈ మూడు సినిమాల భారీ విజయంతో యువతలో మంచి ఫాలోయింగ్ తో పాటు కుటుంబ ప్రేక్షకులకు బాగా చేరువయ్యారు. పదేళ్ళ సినీ జీవితంలో భారీ విజయాలతో పాటు పరాజయాలను చూసిన ప్రభాస్ అల్ టైం స్టార్ హీరోల జాబితాలో చేరిపోయారు.


అమ్మయిల “డార్లింగ్”.. “పౌర్ణమి” యొక్క “బుజ్జిగాడు”.. “బిల్లా” తో “రెబల్” స్టార్ గా మారిన “మున్నా”.. “మిర్చి” లాంటి “ఈశ్వర్”.. ఇప్పటికీ “ఎక్ నిరంజన్” అంటున్న “అడివి రాముడు”.. “యోగి” “రాఘవేంద్ర” స్వామి భక్తుడు..”వర్షం” తో బాక్స్ ఆఫీస్ లో “చక్రం” తిప్పిన “ఛత్రపతి” ని.. “మిస్టర్.పర్ఫెక్ట్” అంటూ.. “సాహో” “బాహుబలి” అంటూ దేశం కీర్తించింది.ఇప్పుడు “రాధే శ్యామ్” తో మన ముందుకు వస్తున్నారు “ఆదిపురుషు”..



2015లో విడుదలైన బాహుబలి సినిమాతో ప్రభాస్ తెలుగు స్టార్ హీరోల జాబితా నుండి దేశం మొత్తం తెలిసిన ప్రాంతీయ స్టార్ హీరోల జాబితాలో చోటు సంపాదించారు.బాహుబలి 2 విడుదల సమయానికి ప్యాన్ ఇండియా హీరోగా అవతరించారు ప్రభాస్.సాహో.. రాధే శ్యామ్.. ఆదిపురుషు.. వైజయంతీ మూవీస్ నిర్మాణంలో నాగ అశ్విన్ దర్శకత్వంలో వస్తున్న సినిమా ఇలా తాను చేస్తున్న ప్రతీ సినిమా.. అన్ని భాషలలో విడుదల చేస్తూ.. భారీ బడ్జెట్ సినిమాలకు కేర్ ఆఫ్ అడ్రస్ గా మారిపోయారు.అటు దక్షణ చిత్ర పరిశ్రమలతో పాటు.. ఇటు బాలీవుడ్ లో సైతం జండా పాటెందుకు ముందుకు వెళ్తున్నారు ప్రభాస్.


రెబల్ స్టార్ కృష్ణంరాజు గారి వారసుడిగా సినీ ప్రస్థానం ప్రారంభించి.. యంగ్ రెబల్ స్టార్ గా పేరు పొంది.. వరస విజయాలతో కోట్లాది మంది అభిమాన రెబల్ స్టార్ గా మారారు.ఇప్పుడు ప్రాంతీయ చిత్ర పరిశ్రమ నుండి ప్యాన్ ఇండియా హీరోగా ఎదిగారు.చేస్తున్న సినిమాలు భారీ విజయాలు సాధించి తెలుగు హీరో స్థాయి.. స్టామినా.. దేశ.. విదేశాల్లో ప్రతిధ్వనించాలని కోరుకుంటూ..రేపు (అక్టోబర్ 23న) పుట్టినరోజు జరుపుకుంటున్న రెబల్ స్టార్ ప్రభాస్ గారికి మా బి.ఆర్.మూవీ జోన్ తరపున జన్మదిన శుభాకాంశాలు..!

“సింహపురి” ‘పంజా’ “సుప్రీమ్ హీరో” ‘సాయి ధరమ్ తేజ్’ పుట్టినరోజు స్పెషల్.!

“సింహపురి” ‘పంజా’ “సుప్రీమ్ హీరో” ‘సాయి ధరమ్ తేజ్’ పుట్టినరోజు స్పెషల్.!



మెగా కుటుంబం నుంచి ముగ్గురి మావయ్యల ముద్దుల అల్లుడిగా 2014లో పిల్లా నువ్వు లేని జీవితం తో పరిచయమై..చూడగానే మన పక్కింటి కుర్రాడు అనే దగ్గర నుండి తెలుగువారు అందరూ.. మన ఇంటి కుర్రాడు అనేంతలా చేరువయ్యారు ధరమ్ తేజ్.తనదైన శైలిలో నటిస్తూ.. తనకంటూ ఒక ఇమేజ్ ని సాధించి.. సుప్రీమ్ హీరో గా ఎదిగారు పంజా సాయి ధరమ్ తేజ్. అటు మాస్.. ఇటు ఫామిలీ ఆడియాన్స్ కు బాగా చేరువయ్యారు తేజు.. మరిముఖ్యంగా తేజుకు అమ్మయిల ఫాలోయింగ్ కూడా కొంచెం ఎక్కువే.. అలాంటి సాయి ధరమ్ తేజ్ పుట్టినరోజు సందర్భంగా ఈ కధనం..!


1986 అక్టోబర్ 15న మద్రాస్ లో జన్మించాడు తేజు.తన బాల్యం.. కొద్ది సంవత్సరాలు నెల్లూరులో.. మరి కొద్ది సంవత్సరాలు చెన్నై లో గడిచింది.పరిశ్రమ హైదరాబాద్ చేరిన క్రమంలో హైదరాబాద్ చేరిన తేజు.. డిగ్రీ మరియు ఎంబీఏ హైదరాబాద్ లో పూర్తి చేశారు.డిగ్రీ చదివే రోజుల నుండి ఇంట్లో డబ్బులు తీసుకోవడం మానేసిన తేజు.. డబ్బుల సంపాదన కోసం మిత్రులతో కలిసి అనేక వ్యాపారాలు చేశారు.ఆ తర్వాత సినిమాల్లోకి రావాలని నిర్ణయించుకొని తొలుత తనకు బాగా దగ్గరైన పవన్ కళ్యాణ్ గారికి తెలిపారు.ప్రతి విషయం తల్లితో పంచుకునే తేజు నెమ్మదిగా తల్లికి కూడా తెలిపారు.ఇలా ఏదో ఒక రోజు సినిమా అంటావు అని తెలుసు.. అంటూ ముందు ఎంబీఏ చదువు ఆ తర్వాత నీ ఇష్టం అని చెప్పారు తల్లి విజయ దుర్గ.అమ్మ కోసం అలా చదువు పూర్తి చేసి సినీ రంగం వైపు అడుగులు వేశాడు ఆ 23 ఏళ్ళ కుర్రాడు.


ఆ రోజుల్లో 132 కేజీల బరువు ఉన్న సాయి ధరమ్ తేజ్.. ఎటువంటి శస్త్ర చికిత్స లేకుండా.. కఠోర శ్రమతో 50 కేజీలు పైన తగ్గాడు.అంతటితో అయిపోలేదు.పవన్ కళ్యాణ్ గారు చెప్పడంతో ఆయన గురువైన సత్యానంద మాస్టర్ వద్ద నటనా శిక్షణ పొందాడు.మెగా కుటుంబం నుండి వచ్చినా తేజు మాత్రం సినిమా అవకాశాల కోసం పరిశ్రమకు వచ్చిన కొత్త వారిలా ఫోటోలు పట్టుకొని దర్శక..నిర్మాతల ఆఫీసులు చుట్టు తిరిగాడు.ఫోటో వెనక పేరు సాయి అని.. ఫోన్ నెంబర్ రాసి అవకాశం ఉంటే చెప్పాలని చెప్పేవాడు.అలా తిరుగుతున్న తను ఒక రోజు మంచు మనోజ్ ఆఫీస్ లో క్రికెట్ అడుతుండగా వై.వి.ఎస్.చౌదరి గారి కంట్లో పడ్డారు.నీకు సినిమా ఇంట్రెస్ట్ ఉందా అని అడగటంతో సాయి ధరమ్ తేజ్ సినీ ప్రస్థానం ప్రారంభమైంది.


మెగా కుటుంబం నుండి వచ్చినా అవకాశాల కోసం తిరిగినా తన కష్టాలు పోలేదు.2010 లో ప్రారంభమైన రేయ్ సినిమా 2015లో విడుదలైంది.2012లో మొదలైన పిల్లా నువ్వు లేని జీవితం సినిమా షూటింగ్ పూర్తి చేసుకుంటున్న సమయంలో 2013లో శ్రీహరి గారి మరణంతో సినిమాలో అనేక సన్నివేశాలు మళ్ళీ షూట్ చేయాల్సి వచ్చింది.ఆ తర్వాత ఆ పాత్రను జగపతిబాబు గారు చేశారు.అలా 2010లో అవకాశం లభించినా ప్రేక్షకుల ముందుకు 2014లో వచ్చాడు తేజు.అక్కడ నుండి చరిత్ర..



“చిత్రలహరి” లో “రేయ్” “తేజ్ ఐ లవ్ యూ” అంటే.. “ఇంటెలిజెంట్” గా.. “పిల్లా నువ్వు లేని జీవితం””ప్రతిరోజు పండగే” అని చెప్పి.. “సుబ్రమణ్యం ఫర్ సేల్” అంటూ తన “తిక్క” తో బాక్స్ ఆఫీస్ వద్ద “విన్నర్”గా.. నిలిచిన “జవాన్”. “సోలో బ్రతుకే సో బెటర్” అంటున్న.. “సుప్రీమ్”.. “నక్షత్రం”(స్టార్).. “పంజా సాయి ధరమ్ తేజ్”..!


కెరియర్ తొలి రోజుల్లో పిల్లా నువ్వు లేని జీవితం.. సుబ్రమణ్యం ఫర్ సేల్.. సుప్రీమ్ వంటి సినిమాలతో విజయాలు అందుకున్నారు.ఆ తర్వాత వరస ప్లాప్స్ వచ్చినా ఎక్కడా తన తదుపరి చిత్రం ఓపెనింగ్స్ పై ఆ ప్రభావం కనపడలేదు.అంటే సాయి ధరమ్ తేజ్ సినిమా జయాపజయాలకు సంబంధం లేకుండా తనకంటూ ఒక మార్కెట్ ని సంపాదించుకున్నారు అని అర్థం.తిరిగి చిత్రాలహరి తో భారీ విజయం అందుకున్న సుప్రీమ్ హీరో ప్రతిరోజు పండగే సినిమాతో విజయం కొనసాగించారు.ఇప్పడు.. సోలో బ్రతుకే సో బెటర్.. మరియు దేవ కట్ట గారితో మరో సినిమా చేస్తున్నారు.


ఎప్పుడు ఎవరు కనిపించినా చిరునవ్వుతో పలకరిస్తూ.. అభిమానులతో సరదాగా మాట్లాడుతూ.. సొసైటీ కోసం తనవంతు బాధ్యతగా థింక్ పీస్(Think Peace)అనే స్వచ్చంద సంస్థకు బ్రాండ్ అంబాసిడర్ చేసేందుకు ముందు వచ్చారు తేజు.గత సంవత్సరం తన పుట్టినరోజున విజయవాడ వృధాశ్రమాని పూర్తిగా మెరుగు పరిచారు.మా పెద్ద మామ చిరంజీవి గారు చిన్నతనం నుండి నన్ను చూసుకున్నారు..మా నాగబాబు మామ ఏం చదవాలి..ఏ ఆట ఆడాలి..అలా అనేక విషయాలు నేర్పారు..మా చిన్న మామ పవన్ కళ్యాణ్ గారు నా గురువు..అంటూ ముగ్గురి గురించి ఎప్పుడు చెప్పినా తన మొహంలో గర్వంతో కూడిన ఆనందం స్పష్టంగా కనిపిస్తుంటుంది.మెగాభిమానులకు మాత్రమే కాక తెలుగు ప్రేక్షకులలో సైతం తనకంటూ ఒక ఇమేజ్ ని సంపాదించుకున్నారు తేజ్.!


ఇలా దశాబ్ద సినిమా ప్రస్థానంలో పదమూడు సినిమాలు పూర్తి చేసుకున్నారు.మెగా కుటుంబం నుండి వచ్చిన మిగతా హీరోలకు భిన్నంగా సినిమా అవకాశాల కోసం కష్టపడి.. వరస పరాజయాలను ఎదురుకొని.. తన ప్రతిభ.. కష్టం.. ఓపికతో పరిశ్రమలో స్టార్ హీరోగా ఎదిగి.. అటు మాస్ ఇటు కుటుంబ ప్రేక్షకులకు బాగా చేరువైన మన సుప్రీమ్ హీరో సాయి ధరమ్ తేజ్ గారికి మా బి.ఆర్.మూవీ జోన్ తరపున పుట్టిన రోజు శుభాకాంశాలు..!

నేడు సినిమాల ద్వారా జీవిత సత్యాలు చెప్పే పూరి పుట్టిన రోజు.!

నేడు సినిమాల ద్వారా జీవిత సత్యాలు చెప్పే పూరి పుట్టిన రోజు.!



యాభై నాలుగు సంవత్సరాల క్రితం ఇదే రాజు విశాఖ తీరంలోని బాపిరాజు కొత్తపల్లి అనే ఊరిలో ఒక అల్పపీడనం పుట్టింది.అది హైదరాబాద్ చేరుకొని రెండు దశాబ్దాల క్రితం తెలుగు చిత్ర పరిశ్రమలో తుఫాన్ గా మారింది. సునామీ వంటి బీభస్థాని సృష్టించిన ఆ తుఫాన్ పేరు పూరి జగన్నాథ్.పవర్ స్టార్ పవన్ కళ్యాణ్ గారి బద్రి సినిమాతో పరిచయమై.. తొలి సినిమాతోనే తన సినిమాలో హీరో క్యారెక్టర్లు మున్ముందు ఎలా ఉంటాయో చూపించాడు.. పబ్లిక్ పల్స్ పట్టిన ఆ యువ దర్శకుడు.ఆ రోజు పవన్ కళ్యాణ్ సైతం ఊహించి ఉండదు తను మెడ మీద చెయ్యి పెట్టడం తన మ్యానరిజం అవుతుందని.ఇక యువత బద్రి సినిమాతో పవన్ కళ్యాణ్ గారికే కాక తొలి సినిమా దర్శకత్వం చేసిన దర్శకునికి కూడా బాగా కనెక్ట్ అయ్యారు.నాటి బద్రి నుంచి నిన్నటి ఇస్మార్ట్ శంకర్ వరకు హిట్లు,ఫ్లాప్లు అనే సంబంధం లేకుండా రెండు దశాబ్దాలుగా యువతకు బాగా చేరువైన దర్శకుడు పూరి జగన్నాథ్ గారు.నేడు ఆయన పుట్టిన రోజు సందర్భంగా ఈ కథనం..


తొలి సినిమా పవర్ స్టార్ పవన్ కళ్యాణ్ గారితో భారీ విజయం అందుకున్న పూరి,వెంటనే జగపతిబాబు గారితో బాచి.. కన్నడలో శివ రాజ్ కుమార్ తో మన తెలుగు తమ్ముడిని రీమేక్ చేశారు.2001లో రవితేజతో ఇట్లు శ్రావణి సుబ్రమణ్యం.. 2003 కన్నడలో పునీత్ రాజ్ కుమార్ తో అప్పు.. తెలుగులో రవితేజను స్టార్ హీరో చేసిన ఇడియట్ సినిమా చేశారు..ఆ సినిమా ఏ రేంజ్ లో ఉంటుందో ప్రత్యేకంగా చెప్పాల్సిన పని లేదు.ఆ తర్వాత అమ్మ నాన్న ఓ తమ్మిళ అమ్మాయి సీనిమాతో పూరి,రవితేజ కంబోగా వరస హాట్-ట్రిక్ హిట్స్ అందుకున్నారు.


అక్కడ నుండి వెనక్కు తిరిగి చూడలేదు.. అలనాటి అగ్ర హీరోలు నాగార్జున,బాలకృష్ణ.. నేటి తరం స్టార్లు పవన్ కళ్యాణ్,మహేష్ బాబు,తారక్,బన్నీ,రామ్ చరణ్,ప్రభాస్,రానా,గోపిచంద్,రవితేజ,వరుణ్ తేజ్,రామ్ పోటీనేని వంటి హీరోలతో సినిమాలు చేశారు..బాలీవుడ్ లో బద్రి ని రీమేక్ గా షార్ట్ సినిమా.. తన అభిమాన నటుడు బిగ్ బి అమితా బచ్చన్ గారితో బుద్దా హోగా తెర బాప్ అనే సినిమాని డైరెక్ట్ చేశారు పూరి.



చిరుత.. తో నేనింతే.. అని చెప్పిన ఎక్ నిరంజన్.
ఒక పక్క జ్యోతిలక్ష్మి తో.. 143.. నేను నా రాక్షసి..అంటూ,మరో పక్క కెమరామెన్ గంగతో రాంబాబు గా మారి.. మేరీ మెహబూబా అని చెప్పిన.. ఇద్దరమ్మాయిల రోమియో. వారికి గోలిమార్ తో హార్ట్ ఎటాక్.. తెప్పించిన ఆంధ్రవాలా.. దేశముదురు.. పోకిరి.. లోఫర్..రోగ్.. మన బుజ్జిగాడు. చివరకు దేవుడు చేసిన మనుషులు.. ఇంతే అనే ఇజం నమ్మిన శివమణి.. తన టెంపర్..తో సూపర్.. బిజినెస్ మ్యాన్ గా పైసా వసూల్ సాధించారు.
ఇట్లు..
ఇస్మార్ట్ శంకర్.


ఇప్పుడు 2020లో స్టార్ హీరోగా మారిన నేటి తరం రౌడీ విజయ్ దేవరకొండ తో కలిసి దేశ స్థాయిలో భారీ సినిమా చేస్తున్నారు పూరి..ఈ సినిమా నిర్మాణంలో కరణ్ జోహార్ కుడా ఉన్నారు.ఇలా తన 20ఏళ్ళ సినీ జీవితంలో 32 సినిమాలు చేశారు.నేటి తరం దర్శకులలో చాలా మంది జీవితంలో చేసే సినిమాలు ఆయన ఈ 20ఏళ్లలో చేశారు. ఒక్క సంవత్సరంలో 3 సినిమాలు చేసినా,అతి తక్కువ రోజుల్లో సినిమాను పూర్తి చేసినా..అవన్నీ పూరి మార్క్ దర్శకత్వ ప్రతిభకు అర్థం పడతాయి.. కన్నడ లో పునీత్ రాజ్ కుమార్.. తెలుగు తో రామ్ చరణ్ వంటి సినీ వారసులను పరిశ్రమకు పరిచయం.. అక్కడ రాజ్ కుమార్.. ఇక్కడ మెగాస్టార్ చిరంజీవి గారు అడిగి చేయించుకున్నారు. డైలాగ్స్ విషయానికి వస్తే..


పవన్ కళ్యాణ్(బద్రి):- నువ్వు నందా,నందా అయితే నాకేంటి నేను బద్రి బద్రీనాథ్.
మహేష్ బాబు(పోకిరి):- ఎవడు కొడితే దిమ్మ తిరిగి మైండ్ బ్లోక్ అవుడో వాడు పండు,నేనే..
నాగార్జున(శివమణి):- నా పేరు శివమణి,నాకు కొంచెం మెంటల్.
అల్లు అర్జున్(దేశముదురు):- జాయింట్లు జారిపోతాయి,ఫిలమెంట్లు రాలిపోతాయి..
రవితేజ(ఇడియట్):- సిటీ కి ఎంతోమంది కమిషనర్లు వస్తుంటారు..పోతుంటారు..కానీ,చంటిగాడు.. లోకల్..
ఎన్టీఆర్(టెంపర్):- నా పేరు దయా,నాకు లేనిదే అది..
ప్రభాస్(బుగ్గిగాడు):- టిప్పర్ లారీ వచ్చి గుడితే ఎలా ఉంటుందో తెలుసా..



ఇలా ప్రతి సినిమాలో పదుల సంఖ్యలో డైలాగ్స్ మనకు టక్కున గుర్తొచ్చేస్తాయి..హీరోల మ్యానరిజంలలో సైతం పూరి మార్క్ ఉంటుంది.ఆయన సినిమా డైలాగ్స్ లో జీవిత సత్యాలు కూడా ఉంటాయి..ఉదాహరణకు,నాకు బాగా నచ్చిన డైలాగ్.. నేనింతే సినిమాలో.. “ఈ ప్రపంచంలో ప్రతీ ఒక్కడు స్వార్థ పరుడే ఇదే మాటచెప్తే ఏ నా కొడుకు ఒప్పుకోడు..”.ప్రపంచంలో జరుగుతున్న నిజాలని పూరి చూపించే విధానం అద్భుతం.. కొంచం ఘాటుగా చెప్పినా ఆయన ప్రతి సినిమాలో ఒక చక్కటి సందేశం ఉంటుంది.. పాటలకు పూరి సినిమాలో మరో ప్రాత్యేక స్థానం.అందుకే పూరి సినిమా పాటలు మన ప్లే లిస్ట్ లో కచ్చితంగా ఎక్కువే ఉంటాయి. ఆయన సినిమాలే జీవిత సత్యాలు, చాలామందికి ఆదర్శాలు.. ప్రేమ,దేశం పట్ల ఆయనకు ఉన్న గౌరవం ఆయన సినిమాలు చూస్తే మనకు అర్ధమవుతుంది.మనలో చాలా మంది ఆయన మాటలలో ఆటో,ఇటో వెళ్లకుండ మధ్యలో ఊగిసులడుతుంటాం..వీరే ఈ దేశానికి ప్రమాదకరం..వీరు ఉండకూడదు అనేదే తన తపనలా కనిపిస్తూ ఉంటుంది.సమాజం పట్ల తనకున్న బాధ్యత తను ఇలా సినిమాలు తీస్తూ నిర్వహిస్తున్నట్లు కనిపిస్తుంది.


సినిమాల్లోకి రాకముందు నుండే పూరి ఇలానే ఉన్నారు.తాను విశాఖలో ఏడవ తరగతి చదువుతున్న రోజుల్లోనే తన మిత్రులతో మాట్లాడటానికి ఒక ఆఫీస్ ఏర్పచుకున్నారు.. ఆయన శైలే ఆయన పాత్రలకు ఇచ్చారంటే.సొంతగా పూరి కనెక్స్ అనే నిర్మాణ సంస్థ పెట్టి సినిమాలు నిర్మించడమే కాక చాలామందికి అవకాశాలు,మరెందరికో ఉద్యోగాలు ఇస్తున్నారు పూరి.గత సంవత్సరం తన పుట్టినరోజున(ఇదే రోజు).. సినిమాలు చెయ్యలేని వృద్ధ దర్శకులకు ఆర్థిక సహాయం అందించారు పూరి.ఇదే కాదు,చేసిన సహాయం ఎన్నడూ చెప్పుకోలేదు పూరి..సాధారణంగా ప్రేక్షకులు మాట్లాడుకుంటూ..మా హీరో పాత్రలో ఎలా జీవించగలదో చూస్తావు ఆగు,పూరి గారితో మా వాడి సినిమా వస్తుంది.హీరోయిన్ లను చూపించడంలో కూడా తనదైన మార్క్ ఉంటుంది.ఆ అమ్మాయిని సరిగ్గా ఇప్పటి వరకు ఎవరు చూపించలేదు..ఇప్పుడు పూరితో సినిమా చేస్తుంది కదా..ఇప్పుడు చూడు ఎలా చూపిస్తాడో పూరి..అంటున్నారు.


ఇలా పూరి గారి గురించి రాసుకుంటూ పోతే పుస్తకమే రాయచ్చు.తాజాగా ..తెలుగు చలన చిత్ర పరిశ్రమ సెన్ సెషన్,పంచ్ డైలాగ్స్ కి కేర్ ఆఫ్ అడ్రస్,మాస్ సినిమాలకు పర్మనెంట్ అడ్రస్.. పూరి గారి మాటలలో చెప్పాలి అంటే..పూరీ నువ్వు తోపు రా..పూరి నువ్వు తురుము రా.. పూరి నువ్వే మా అందరి రుస్తుం..మరిన్ని దశాబ్దాలు ఇలా సినిమాలు చెయ్యాలని.. మీడియా,పోలీస్,రాజకీయం అనే తేడా లేకుండా సమాజంలో తప్పు చేసే ప్రతి యడవను కడిగేయ్యాలని కోరుకుంటూ.. నేడు యాభై నాలుగవ పుట్టిన రోజు జరుపుకుంటున్న పూరి జగన్నాథ్ గారికి మా బి.ఆర్.మూవీ జోన్ తరపున జన్మదిన శుభాకాంశాలు.!

నేడు,అందరిని నవ్వించిన.. బ్లాక్ బస్టర్ దర్శకులు.. శ్రీను వైట్ల పుట్టిన రోజు

నేడు,అందరిని నవ్వించిన.. బ్లాక్ బస్టర్ దర్శకులు.. శ్రీను వైట్ల పుట్టిన రోజు



శ్రీను వైట్ల.. ఈ పేరు తెలియని తెలుగు వారు వుంటారేమో కానీ.,ఆయన సినిమాలు చూడని వారు ఉండరు.అలానే ఆ సినిమా పేర్లు చెప్పగానే అందరికి ఏదో ఒక హాస్య సన్నివేశం గుర్తుకు వస్తుంది.. వారు ఆ సన్నివేశాన్ని చెబుతూ నవ్వుతూ వుంటారు.దూకుడు వంటి సినిమాలకు తన పారితోషికం విడుదలకు ముందు తీసుకోకుండా తన సినిమా పట్ల తనకున్న నమ్మకం చాటుకున్న దర్శకులు.నేడు.. అంతలా 1999 నుంచి మన అందరినీ వినోదం లో ముంచేసిన శ్రీను వైట్ల గారి పుట్టినరోజు సందర్భంగా ఆయన గురించి ఈ కథనం.


ఆంధ్రప్రదేశ్ రాష్ట్రం.. ఈస్ట్ గోదావరి జిల్లా.. కండులపాలెం అనే ఊరిలో 1972న జన్మించారు శ్రీను వైట్ల.చిన్నతనం నుండి సినిమాలను అమితంగా ప్రేమించారు..విపరీతంగా సినిమాలు చూడడటం మొదలు పెట్టారు. బాగా చదువుకొని,ఉద్యోగం చేయమని ఇంట్లో వాళ్ళు ఎంత చెప్పినా.. వినకుండా,వ్యవసాయం చేశారు శ్రీను వైట్ల తండ్రి గారు.అలాంటి వ్యక్తి తనయుడుగా శ్రీను వైట్ల సినిమా మీద ఇష్టంతో డిగ్రీని తొలి సంవత్సరమే చదవకుండా కాకినాడ నుండి చెన్నై బయలుదేరారు.ఇంట్లో వాళ్ళు కాలేజీ ఫిజు,బట్టలు,పుస్తకాలకు ఇచ్చిన 1500 రూపాయలతో మద్రాస్ చేరిన ఆ 18 ఏళ్ళ కుర్రాడు దర్శక విభాగం లో అవకాశం కోసం అనేక పాట్లు పాడారు.


చివరకు,బాలకృష్ణ గారి సినిమాకి దర్శక విభాగంలో చేరారు,సినిమా ఆడకపోవడంతో ఆ దర్శకుడికి మళ్ళీ అవకాశం రాలేదు.అంతలో శివ సినిమా చూసి రామ్ గోపాల్ వర్మ దగ్గర పని చేసేందుకు హైదరాబాద్ బయల్దేరారు వైట్ల.హైదరాబాద్ చేరిన శ్రీనుకు అర్జీవి దగ్గర అవకాశం దొరకడం అసాధ్యం అని భావించి.. సీనియర్ దర్శకుడిగా పేరు పొందిన సాగర్ వద్ద చేరారు.అక్కడే వి.వి.వినాయక్ గారితో కలిసి పని నేర్చుకున్నారు.అనేక సంవత్సరాల అనుభవం తర్వాత తొలి సినిమా దర్శక అవకాశం లభించింది.అపరిచితుడు అనే టైటిల్ తో రాజశేఖర్ హీరోగా సినిమా చిత్రీకరణ ప్రారంభమైంది.. ఆర్థిక ఇబ్బందులతో సినిమా ఆగిపోయింది.దింతో బాగా కుంగిపోయారు వైట్ల.



1999లో కేవలం 32లక్షల్లో దాదాపు ఐదుగురు నిర్మాతలతో ఒక చిన్న సినిమా చేశారు.అదే మాస్ మహరాజ్ రవితేజ తో చేసిన నీకోసం.సినిమా చూసిన రామోజీరావు గారు ఆయన సినిమాను తానే తీసుకొని పెద్దగా విడుదల చెయ్యడంతో పాటు మరో సినిమా అవకాశం కూడా ఇచ్చారు.తొలి సినిమాతో విమర్శకుల ప్రశంసలు,నంది అవార్డులు అందుకున్న శ్రీనుకి తన మిత్రులు,ఎక్కడా ఒక్క కామెడీ సన్నివేశం లేదు అని చెప్పిన మాటలు బాగా ఆలోచింపచేశాయి.దాంతో ఎంటర్టైన్మెంట్ వైపు అడుగులు వేసిన శ్రీనుకి తిరుగు లేదు.ఆనందం,సొంతం,వెంకీ వంటి విజయాలతో స్టార్ దర్శకుల జాబితాలో చేరిపోయారు.మెగాస్టార్ చిరంజీవి గారి అందరివాడు సినిమా చేసి టాప్ దర్శకులలో ఒక్కరిగా గుర్తింపు పొందారు.ఢీ..దుబాయ్ శ్రీను.. రెడీ వంటి వరస విజయాలతో అగ్ర కథానాయకుల నుండి అవకాశాలు లభించడం మొదలయ్యాయి.నాగార్జున గారితో కింగ్,వెంకీ గారితో నమో వేంకటేశా.!,మహేష్ బాబు తో దూకుడు,తారక్ తో బాద్ షా చెయ్యడంతో పాటు భారీ విజయాలు నమోదు చేశారు.ఇటీవల చరణ్ తో బ్రూస్ లీ.. వరుణ్ తేజ్ తో మిస్టర్,రవితేజ తో మూడవ సినిమాగా అమర్..అక్బర్..ఆంటోనీ చేశారు.


ఇలా దాదాపు టాప్ హీరోలు అందరితో సినిమాలు చేసిన శ్రీను వైట్ల తనదైన కామెడీ పంచ్ లతో ప్రతి ఇంటిలో నవ్వులు పూయించారు..ముఖ్యంగా ఆయన సినిమాల్లో బ్రహ్మానందం గారి కామెడీ అందరిని బాగా నవ్వించాయి.హీరో ఇమేజ్ తగ్గకుండా ఫామిలీ ఆడియాన్స్ కు బాగా చేరువయ్యారు.వరస విజయాల్లో వున్నా తక్కువ పారితోషికం తీసుకోవడం,బడ్జెట్ పెరగడంతో,తన సినిమా మీద నమ్మకంతో విడుదల తర్వాత పారితోషకం తీసుకోవడం వంటివి శ్రీను వైట్లకే చెందాయి.అలాంటి శ్రీను వైట్ల గారు నేడు 48వ పుట్టినరోజు జరుపుకుంటున్న సందర్భంగా మా బి.ఆర్.మూవీ జోన్ తరపున జన్మదిన శుభాకాంక్షలు…!

త్వరలో శ్రీను వైట్ల గారు మరో బ్లాక్ బస్టర్ సినిమా తీయాలని కోరుకుంటూ..