28-01-2021 17:32:18 About Us Contact Us
“పోలీస్ వారి హెచ్చరిక”.. “లక్ష్య”.. “వరుడు కావలెను” అంటున్న నాగశౌర్య కి జన్మదిన శుభాకాంక్షలు

“పోలీస్ వారి హెచ్చరిక”.. “లక్ష్య”.. “వరుడు కావలెను” అంటున్న నాగశౌర్య కి జన్మదిన శుభాకాంక్షలు



10 ఏళ్ళ ముందు హీరోగా పరిచయమై.. ఊహలు గుసగుసలాడే.. చలో వంటి భారీ విజయాలను నమోదు చేసుకొని.. 2ఒక పైగా సినిమాలు పూర్తి చేసి..ప్రసృతం మూడు సినిమాలు చేస్తూ మంచి జోష్ మీద ఉన్న.. యువతలో మంచి క్రేజ్ సంపాదించుకున్న.. కథానాయకుడు నాగ శౌర్య పుట్టినరోజు సందర్భంగా ఈ కధనం..


నాగశౌర్య పుట్టింది ఏలూరు. 6వ తరగతి నుండి స్కూల్ బంక్ కొట్టి సినిమాలు చూడటం అలవాటు అయింది ఆలా సినిమాల మీద ఆసక్తి పెరిగింది నాగశౌర్య కి ఆలా 10వ తరగతి పూర్తి చేసిన తరువాత సినిమాలలో నటిస్తా అని వాళ్ళ అమ్మ గారికి చెప్పడంతో ఆమె నువ్ డిగ్రీ పూర్తి చేసిన తరువాత నచ్చింది చెయ్యు అని షరతు పెట్టరు.


విజయవాడలో ఇంటర్మీడియట్ పూర్తి చేసి డిగ్రీ హైదరాబాద్ లో చదివితే.. సినిమా అవకాశాలు కోసం ప్రయత్నాలు చెయ్యొచ్చు అనే ఉద్దేశంతో ఇంట్లో ఒప్పించి డిగ్రీ హైదరాబాద్ లో చదువుతూ సినిమా ఆఫీసుల చుట్టూ తిరిగేవాడు.ఆలా 4ఏళ్ళు సినీ ప్రయత్నాలు చేసిన తరువాత2010లో క్రికెట్ గర్ల్స్ అండ్ బీర్ అనే చిత్రంలో చిన్న పాత్రలో నటించాడు. తరువాత 2013 లో ప్రవీణ్ సత్తారు దర్శకత్వంలో చందమామ కధలు అనే చిత్రంలో చిన్న పాత్రలో నటించాడు.


తరువాత 2014 లో వారహి చిత్రం బ్యానర్లో అవసరాల శ్రీనివాస్ దర్శకత్వంలో “ఊహలు గుసగుసలాడే” చిత్రంలో నటీంచగా అది మంచి విజయాన్ని సొంతం చేసుకుంది. దిక్కులు చూడకు రామయ్య, లక్ష్మి రావా మా ఇంటికి, జాదుగాడు, చలో, అశ్వాద్దామా వంటి చిత్రలలో నటించి మంచి క్రేజ్ సంపాదించుకున్నాడు.


ప్రస్తుతం వరుడు కావలెను.. లక్ష్య..పోలీస్ వారి హెచ్చరిక.. చిత్రలోలో నటిస్తున్నారు. ఈ చిత్రాలు మంచి విజయాన్ని అందుకోవాలని.. ఇలాంటి జన్మదిన వేడుకలు మరెన్నో జరుపుకోవాలని కోరుకుంటుంది B R మూవీ జోన్.

నేడు పుట్టినరోజు జరుపుకుంటున్న రెబల్ స్టార్ కు జన్మదిన  శుభాకాంక్షలు

నేడు పుట్టినరోజు జరుపుకుంటున్న రెబల్ స్టార్ కు జన్మదిన శుభాకాంక్షలు


రెబల్ ఈ పేరు విన్నవెంటనే మీ మనసులో ప్రభాస్ పేరు రావడం సహజం కానీ ఒక తరం వెనక్కి వెళ్లి చూస్తే రెబల్ స్టార్ అనగానే ఆరడుగుల యాక్షన్ హీరో కృష్ణంరాజు గారు గుర్తుకు వస్తారు.1940లో పశ్చిమ గోదావరి జిల్లా మొగల్తూరులో ఉప్పలపాటి వీర వెంకట సత్యనారాయణ రాజు, లక్ష్మీదేవి దంపతులకు జన్మించారు కృష్ణంరాజు గారు.. కృష్ణం రాజు గారి అసలు పేరు శ్రీ వెంకట కృష్ణంరాజు.


కష్టపడి పని చేసే తత్వం ఉన్న కృష్ణంరాజు గారికి ఫోటోగ్రఫీ అంటే మక్కువతో ఇంట్లో ఉన్న ఒక కెమెరాతో ఫొటోస్ తీయడం అలవాటుగా మార్చుకున్నారు.చిన్నతనంలో ఎక్కువ అల్లరి చేసే కృష్ణంరాజు గారు తన తండ్రి వెంకట సత్యనారాయణ రాజు గారి మాటలు విని తనకి బాగా ఇష్టం అయిన ఫోటొగ్రఫీని వ్యాపారంగా చేద్దాం అని నిర్ణయించుకున్నారు.తన దగ్గర ఉన్న ఒక కెమెరాతో పాటు ఇంకొక కెమెరా కొని ఒక షాప్ అద్దెకి తీసుకుని దానికి రాయల్ ఫొటో స్టూడియో అని పేరు పెట్టారు.


ఆ షాప్ లో పని చేసే కుర్రాడు ఒక రోజు కృష్ణంరాజు గారితో ఇలా అన్నాడు.. సార్ మీరే హీరో లా ఉంటారు మీ ఫొటోస్ కొన్ని తీసి షాప్ లో షోకేస్ లో పెడదాం అని.. దానికి బదులుగా కృష్ణంరాజు గారు.. నా ఫొటోస్ ఎందుకు ఎన్టీఆర్, ఏ న్ ఆర్ ఫొటోస్ పెట్టు అన్నాడు.. అయినా ఆ కుర్రాడు పట్టుపట్టి మరి కృష్ణంరాజు గారితో కొన్ని స్టిల్స్ తీసుకుని షాపులో పెట్టాడు.ఆలా షాపులో ఫొటోస్ చూసిన ఒక పెద్దాయన నువ్ హీరోలా ఉన్నావ్ నేను కూడా ఒక సినిమా తియ్యాలి అనుకుంటున్నా నీకు ఇష్టం అయితే ఇప్పుడే మద్రాస్ తీసుకుని వెళ్తా అని చెప్తే లేదు నాకు ఇంట్రెస్ట్ లేదు స్ని సున్నితంగా తిరస్కరించారు కృష్ణంరాజు గారు


కానీ ఆ పెద్దాయన మరుసటి రోజు మళ్ళీ వచ్చి అడిగాడు ఆలా రెండు రోజులు వచ్చి అడిగే సరికి కృష్ణంరాజు గారికి కూడా ఆశ కలిగింది వెంటనే వాళ్ళ పత్రిక బాబాయ్ కి ఫోన్ చేసిన అడిగాడు వాళ్ళ బాబాయ్ కూడా హీరోలా ఉంటావ్ ఒక సారి ప్రయత్నించి చూడు అనే సరికి మద్రాస్ వెళ్ళాడు కృష్ణంరాజు.


మద్రాస్ వెళ్లిన కృష్ణంరాజు గారు అజంతా హోటల్ లో ఉండే వారు ప్రముఖ హీరోలకి మేకప్ వేసే పితాంబరం గారిని పిలిపించి మేకప్ టెస్ట్ చేయించారు ఆలా మూడు రోజులు గడిచాయి తరువాత 15రోజులు అయినా సరే ఆ పెద్దాయన కనిపించడం మానేసాడు అది గమనించిన హోటల్ యజమాని కృష్ణంరాజు గారితో ఇలా అన్నాడు.. మీరు ఆ పెద్దాయన కోసం ఎదురుచూస్తున్నట్టు అయితే వెళ్లిపోండి ఇంకా అయన రాడు అయన ఇలానే ప్రతి సారి తెలుగు వారిని ఒకరు ఇద్దరిని తీసుకుని వచ్చి సినిమా తీస్తా అని చెప్పి తన ఖర్చులకు డబ్బులు తీసుకుని మెల్లగా జారుకుంటాడు అని చెప్పడంతో కృష్ణంరాజు గారు నిరాశతో మళ్ళీ హైదరాబాద్ వెళ్లిపోయారు.


1966 లో ప్రత్యేకాత్మ గారి దర్శకత్వంలో చిలక గోరింకా అనే చిత్రంలో నటించారు కృష్ణంరాజు గారు.. ఈ చిత్రంలో S V రంగారావు గారిలాంటి మేటి నటులకు దీటుగా నటించి మెప్పించారు రాజు గారు కానీ ఆ చిత్రం నిరాశపరిచినా కాని కృష్ణంరాజు గారి నటనకు ప్రశంసలు వర్షం కురిపించారు.తరువాత బుద్దిమంతుడు, పవిత్రబంధం, జై జవాన్ లాంటి చిత్రాలలో విలన్ పాత్రలో నటించారు మళ్ళీ తిరిగి 1974 లో హీరోగా సెకండ్ ఇన్నింగ్స్ మొదలుపెట్టారు.


ఇంటి దొంగలు చిత్రం తో మళ్ళీ హీరోగా వెలుగొందిన కృష్ణంరాజు గారు తరువాత కృష్ణవేణి అనే చిత్రం సగం పూర్తి అయిన తరువాత ప్రొడ్యూసర్ దగ్గర డబ్బులు అయిపోవడంతో కృష్ణంరాజు గారు మిగిలిన డబ్బులు పెట్టి సినిమా పూర్తి చేశారు ఆ సినిమా సూపర్ హిట్ అవ్వడంతో వరుసగా హీరో పాత్రాల్లో చేయడం ప్రారంభించారు నిత్యసుమంగళి, మొగుడా పెళ్ళామా, భక్త కన్నప్ప వంటి చిత్రాలు చేసి మెప్పించారు తరువాత బిల్లా, రెబల్ వంటి చిత్రలలో క్యారెక్టర్ ఆర్టిస్ట్ గా కూడా చేసారు.


ఇంకా ముందు ముందు మరెన్నో పాత్రాల్లో అలరించాలి అని మనస్ఫూర్తిగా కోరుకుంటూ “రెబల్ స్టార్ కృష్ణంరాజు” గారికి B R మూవీ జోన్ తరపున జన్మదిన శుభాకాంక్షలు.

“ఎఫ్ 3” తో అలరించేందుకు వస్తున్న “గని”.. “వరుణ్ తేజ్” బర్త్ డే స్పెషల్..!

“ఎఫ్ 3” తో అలరించేందుకు వస్తున్న “గని”.. “వరుణ్ తేజ్” బర్త్ డే స్పెషల్..!



బాల నటుడిగా పరిచయమై.. ఆరేళ్ళ నుండి హీరోగా అలరిస్తున్న ఆరడుగుల అందగాడు.. అమ్మయిలలో మంచి ఫాలోవింగ్ సంపాదించి.. అటు మాస్ ఇటు క్లాస్ అని తేడా లేకుండా.. తన సినిమా అంటే వెళ్లి చూడచ్చు అనే స్థాయికి చేరిన హీరో.. విమర్శకుల ప్రశంసలు పొందిన నటుడు.. టవర్ స్టార్.. మన నవ్వుల బాబు.. నాగబాబు గారి తనయుడు.. “మెగా ప్రిన్స్” “కొణిదెల వరుణ్ తేజ్”. నేడు అలాంటి వరుణ్ పుట్టిన రోజు సందర్భంగా ప్రత్యేక కథనం..


కెర్రీర్ ప్రారంభం నుండి మెగా హీరో అనే ఒక ట్యాగ్ పడకుండా జాగ్రత్త పడ్డారు వరుణ్ తేజ్. పెదనాన్న.. తండ్రి.. బాబాయ్.. పేరు వాడుకొని క్రేజ్ సంపాదించాలనుకోకుండా.. తన స్టోరీ సెలక్షన్ తో అభిమానులను పొందారు వరుణ్ తేజ్. ముకుంద చిత్రంతో హీరోగా మొదలైన తన సినీ ప్రస్థానం.. అనతి కాలంలోనే తన వైవిధ్యమైన పాత్రాల ఎంపికతో ప్రేక్షకుల మదిలో చెరగని ముద్ర వేసుకున్నారు ఈ కొణిదెల వారసుడు. రెండవ సినిమా కంచె లో తన నటనకు విమర్శకుల నుండి ప్రశంసలు పొందారు. లోఫర్.. గడ్డలకొండ గణేష్ సినిమాలతో మాస్ ఆడియాన్స్ కి బాగా చేరువయ్యారు.


తొలిప్రేమ తో యువతకు.. ఫిదా తో అమ్మయిలకు ఫేవరేట్ హీరో గా మారిపోయారు. ఇక ఎఫ్2 లో మన విక్టరీ వెంకటేష్ గారితో తాను చేసిన హంగామా అంతా.. ఇంతా కాదు. నేడు ఆయన పుట్టిన రోజు సందర్భంగా తాను చేస్తున్న తదుపరి చిత్రాలు ఎఫ్ 3 మరియు బాక్సింగ్ కధాంశం తో తెరకెక్కుతున్న గని సినిమా పోస్టర్స్ విడుదల చేశారు. గని పోస్టర్ కు సామాజిక మాధ్యమాలలో మంచి స్పందన వస్తుంది. వరుణ్ తేజ్ ఆన్ స్క్రీన్ విషయాలు కాసేపు పక్కన పెడితే..



అటు సెట్ లో.. ఇటు ఈవెంట్స్ లలో.. ఎప్పుడు చిరునవ్వుతో అందరిని పలకరిస్తూ.. చాలా ప్రశాంతంగా కనిపిస్తూ ఉంటారు. రెండవ సారి నుండి నన్ను ఎక్కడ చూసినా చాలా ఆప్యాయంగా పలకరిస్తుంటే మీడియా కాబట్టి నన్ను గుర్తు పెట్టుకున్నారేమో అనుకున్నాను. కానీ.. అభిమానులను సైతం ఆయన అలానే గుర్తుపెట్టుకొని మాట్లాడుటారు అని తర్వాత తెలిసింది. అందుకే మెగా అభిమానులలో వరుణ్ తేజ్ కి ప్రత్యేకమైన స్థానం ఉంది. ఒక మూస ధోరణి లో వెళ్లకుండా అన్ని రకాల సినిమాలను చెయ్యడం ద్వారా అందరిని ఆకట్టుకున్న ఈ మెగా ప్రిన్స్.. ఆఫ్ కెమెరా లో ఎక్కడా స్టార్ హీరో అని గాని.. మెగా ఫామిలీ హీరో అనే అహం కనపడకపోవడం.. నాగబాబు గారి పెంపకానికి నిదర్శనం. అందుకే ఆఫ్ కెమెరాలో ప్రవర్తన వల్ల హీరోలలో కొందరికే అభిమానులు ఉంటారు.. అలాంటి జాబితాలో వరుణ్ ఒక్కరు.


మెగా బ్రదర్స్ చిరంజీవి.. నాగబాబు గార్లు కలిసి నటించిన “హాండ్స్ అప్” సినిమాతో బాల నటుడిగా కనిపించి.. “ముకుందా” తో హీరోగా పరిచయమై.. “కంచె” తో విమర్శకుల ప్రశంసలు పొంది.. “లోఫర్” తో మాస్.. “మిస్టర్” తో ఫామిలీ ఆడియన్స్ కి చేరువై.. ఎంతో మంది అమ్మయిలను “ఫిదా” చేసి.. తన “తొలిప్రేమ” తో “అంతరిక్షం” స్థాయి విజయం అందుకొని.. “ఎఫ్ 2 ” తో క్లాస్.. మాస్ అనే భేదం లేకుండా అందరిని అలరించిన “గడ్డలకొండ గణేష్” అలియాస్ “గని”.. అమ్మయిలలో మంచి ఫాలోయింగ్ సంపాదించుకున్న ఆజానుభావుడు “మెగా ప్రిన్స్” “కొణిదెల వరుణ్ తేజ్” గారికి మా బి.ఆర్. మూవీ జోన్ తరపున “జన్మదిన శుభాకాంశాలు”.!

కే.జీ.ఎఫ్ తో స్టార్ హీరోగా మారిన యష్ పుట్టిన రోజు నేడు.!

కే.జీ.ఎఫ్ తో స్టార్ హీరోగా మారిన యష్ పుట్టిన రోజు నేడు.!



కే.జీ.ఎఫ్ సినిమాతో ఒక ప్రాంతీయ భాష హీరో స్థాయి నుండి.. భారతదేశం మొత్తం తెలిసే స్థాయికి చేరిన నటుడు. ఇటీవల ముఖ్యంగా మన తెలుగులో విపరీతమైన ప్రజాదరణ పొందిన పరభాషా నటుడు యష్ పుట్టినరోజు సందర్భంగా ప్రత్యేక కథనం…


మనం యష్ అని పిలుచుకునే రాకింగ్ స్టార్ అసలు పేరు నవీన్ కుమార్ గౌడ.. కర్ణాటకలో జన్మించిన యష్ మైసూర్లో ఉన్న మహాజన్ హై స్కూల్ లో ప్రాధమిక విద్యని అభ్యసించాడు.ఈ స్కూల్ లో చదువుకుంటున్న సమయంలోనే త్రిపాటీలు వేసే నాటకాలను చూసి ఆసక్తి పెంచుకున్నాడు. స్కూల్ విద్య అయిపోయిన తరువాత ప్రముఖ నాటక కర్త బి వి కారత్ గారు స్థాపించిన బేరకా అనే నాటక సంస్థలో జాయిన్ అయ్యి నటనలో మెలకువలు నేర్చుకున్నాడు.


తరువాత యష్ నాటకాలను సీరియల్ డైరెక్టర్ అశోక్ కాశ్యప్ చూసి.. తాను డైరెక్ట్ చేస్తున్న నందగోకులే అనే సీరియల్ లో అవకాశం ఇచ్చాడు ఈ సీరియల్ ఈటీవీ కన్నడలో ప్రసారం అయ్యేది. ఉదయ్ టీవీ లో రోజా నటించిన ఉతరాయణ అనే సీరియల్లో కూడా నటించాడు. ఇలా సీరియల్స్ లో నటిస్తూనే సినిమా అవకాశలకోసం ప్రయత్నాలు చేసే వాడు నవీన్ కుమార్ గౌడ అలియాస్ యష్….


ఆలా ప్రయత్నాలు చేస్తున్న తరుణంలో డైరెక్టర్ ప్రియదర్శి దర్శకత్వం లో వచ్చిన జమబలపూడిగిలో అంత ప్రాధాన్యత లేని పాత్రలోనైనా సరే కష్టపడి చేసిన తత్వం చుసిన డైరెక్టర్ శశాంక్.. తన చిత్రం మగ్గిన మనసు అనే చిత్రంలో ఒక ప్రాధాన్యం ఉన్న పాత్ర ఇచ్చారు. ఈ చిత్రం 2008 లో విడుదలై మంచి విజయం సాధించింది. ఈ చిత్రానికి గాను యష్ కి ఫిల్మ్ ఫేర్ అవార్డు కూడా వచ్చింది.


ఆ తర్వాత.. రాజధాని, డ్రామా,గూగ్లీ వంటి చిత్రాలతో సూపర్ హిట్స్ అందుకున్నారు. తనతో మగ్గిన మనసు, డ్రామా వంటి చిత్రాల్లో తనకి జంటగా నటిచ్చిన రాధికా పాండేను 2016 డిసెంబర్ 9 న బెంగళూరు లో వివాహం చేసుకున్నారు.


అప్పటి వరకు ఉన్న యష్ క్రేజ్ ని కే.జి.ఎఫ్ చిత్రం శిఖరాగ్రానికి తీసుకుని వెళ్లి కన్నడ చిత్రసీమలో యష్ ని సింహాసనం మీద కూర్చోపెట్టింది. డిసెంబర్ 21, 2018 న ప్రశాంత్ నీళ్ దర్శకత్వం వహించిన కే.జీ.ఎఫ్ చిత్రం విడుదలైన అన్ని బాషల్లోను అద్భుతమైన విజయాన్ని అందుకుంది.


ఇప్పుడు దానికి పార్ట్ -2 కూడా వస్తుంది. కే.జీ.ఎఫ్ చాప్టర్ 2 టీజర్ విడుదలకి ఒకరోజు ముందు అనగా నిన్న రాత్రి లీక్ అవ్వడంతో చిత్ర యూనిట్ ఇవాళ విడుదల చేయాల్సిన టీజర్ ని నిన్న రాత్రి 9:29 కి విడుదల చేసారు. విడుదలైన ఈ టీజర్ ఇప్పటి వరకు ఉన్న యూట్యూబ్ రికార్డ్స్ ని తిరగరాస్తూ 24 గంటలు గడవకముందే 50M విక్షకులతో 3M లైక్స్ ని సొంతం చేసుకుంది.


ఇలాంటి మరిన్ని చిత్రాలాతో ప్రేక్షకులని అల్లరిస్తూ ఎన్నో విజయాలను సొంతం చేసుకుని.. మనస్పూర్తిగాగా కోరుకుంటూ మా బి.ఆర్. మూవీ జోన్ తరపున జన్మదిన శుభాకాంశాలు తెలుపుకుంటు.. ఆయనను చూసి యువత.. వచ్చిన ప్రతి అవకాశాన్ని విజయాలుగా ఎలా మలుచుకోవాలో తెలుసుకుంటారు అని ఆశిస్తున్నాం.

కే.జీ.ఎఫ్ టీజర్

అందరి నోటా..రేపు విడుదలవుతున్న “సోలో బ్రతుకే.. సో బెటర్”..!

అందరి నోటా..రేపు విడుదలవుతున్న “సోలో బ్రతుకే.. సో బెటర్”..!



అటు సినిమా పరిశ్రమ.. ఇటు ప్రేక్షకులు.. అటు మీడియా.. ఇటు విమర్శకులు.. ఇలా అందరు ఎదురుచూస్తున్నది రేపటి కోసమే.రేపు… దాదాపు 9 నెలల తర్వాత ఒక పెద్ద తెలుగు సినిమా వెండితెర పై కనువిందు చేయనుంది.”నో పెళ్ళి..”పాట తో యువతకు బాగా చేరువైన.. సుప్రీమ్ హీరో సాయి తేజ్ నటించిన సినిమా “సోలో బ్రతుకే సో బెటర్”సినిమా హాల్స్ లో విడుదల కానుంది.ఆ సినిమా వివరాల్లోకి వెళ్తే..


వరసగా రెండు భారీ విజయాల తర్వాత.. సుప్రీమ్ హీరో సాయి తేజ్ నుండి వస్తున్న సినిమా “సోలో బ్రతుకే.. సోలో బెటర్”.ఇప్పటికే విడుదలైన టీజర్.. ట్రైలర్.. పాటలకు ప్రేక్షకుల నుండి మంచి స్పందన లభించింది.ముఖ్యంగా పెళ్ళి చేసుకోవాలా.. సోలోగా ఉండాలా.. అనే డైలమాలో ఉన్న యువత.. తేజు పాత్రకు బాగా కనెక్ట్ అయ్యారు..ఇప్పటికే విడుదల చేసిన శ్లోకాలు బాగా వైరల్ గా మారాయి.ఈ నెల 25న సినిమా విడుదలవుతున్నట్లు ప్రకటన వచ్చినప్పటి నుండి సామాజిక మాధ్యమాలలో టికెట్స్ గురించే చర్చ.. అంతలా సినిమాకు యువత కనెక్ట్ అయ్యారు.


విడుదలైన ట్రైలర్ చూస్తుంటే.. ప్రేమ.. పెళ్ళి వద్దు.. సోలో బ్రతుకే సో బెటర్.. అనే సిద్దాంతాన్ని బలంగా నమ్మే ఒక యువకుడి జీవితంలోకి ఒక అమ్మయి వస్తే.. ఆ తర్వాత తన జీవితం ఎటు మలుపు తీసుకుంటుంది అనే కధాంశం తో వస్తున్న సినిమాగా అర్ధమవుతుంది.అటు యువతతో పాటు.. ఇటు ఫ్యామిలిస్ సైతం సినిమా చూసేలా దర్శకుడు సుబ్బు రూపుదిద్దునట్లు కనిపిస్తుంది.ఇక సంగీతం విషయానికి వస్తే..


థమన్.. సాయి తేజ్.. కాంబినేషన్ లో వచ్చిన ప్రతి సినిమా ఆల్బమ్ హిట్.అలానే ఈ సినిమాలో విడుదలైన నాలుగు పాటలకు ప్రేక్షకుల నుండి అదిరిపోయే స్పందన లభించింది.ఇప్పటికే “నో పెళ్ళి..” పాటకు 20 మిలియన్ వ్యూస్ రాగా.. “హే ఇది నేనేనా..”పాటను మూడు కోట్ల మంది ఒక్క యూట్యూబ్ లోనే చూశారు.ఇటీవల విడుదలైన బ్రేకప్ సాంగ్.. మరియు టైటిల్ సాంగ్ కి సైతం ప్రేక్షకుల నుండి మంచి స్పందన లభిస్తోంది.



ఈ సినిమాను శ్రీ వెంకటేశ్వరా సినీ చిత్ర బ్యానర్ పై బి.వి.ఎస్.ఎన్.ప్రసాద్ నిర్మస్తున్నరు.ఈ చిత్రం ద్వారా సుబ్బు దర్శకుడిగా పరిచయం కానున్నారు.నభా నటేష్.. సుప్రీమ్ హీరో సాయి తేజ్ జంటగా అలరించనున్నారు.ట్రేండింగ్ మ్యూజిక్ డైరెక్టర్ థమన్.. ఈ సినిమాకు సంగీతం అందించారు.వెన్నెల కిషోర్.. సత్య.. రావు రమేష్.. రాజేంద్ర ప్రసాద్.. నరేష్.. ఇలా భారీ తారాగణంతో సినిమా చిత్రీకరించారు.ఈ సినిమాకు సెన్సార్ బోర్డ్ క్లీన్ యూ సర్టిఫికెట్ ఇచ్చింది.


లాక్ డౌన్ తర్వాత విడులవుతున్న మొదటి తెలుగు సినిమా కావడం.. అది కూడా మెగా హీరో నుండి వస్తుండటం.. సాయి తేజ్.. ఇప్పటికే వరసగా రెండు విజయాలు సాధించి ఫార్మ్ లో ఉండటంతో ఈ సినిమా పై భారీ అంచనాలు నెలకొన్నాయి.ఈ సినిమాకు వచ్చే ప్రేక్షకుల పైనే రానున్న సంక్రాంతికి ఎన్ని సినిమాలు విడుదలవుతాయో తేలనుంది.దింతో అటు మార్కెట్ వర్గాలు.. ఇటు నిర్మాతలు రేపటి కోసం ఎదురు చూస్తున్నారు.


అందరి యువతలాగే.. ప్రేమా.. సోలో బ్రతుకా అనే డైలమాలో ఉన్న నాకు..చిత్రాలహరితో పట్టుదలతో ప్రయత్నిస్తే విజయం నీదే అనే గొప్ప సందేశం ఇచ్చిన తేజు అన్న.. ఈ సోలో బ్రతుకే సో బెటర్ తో ఒక స్పష్టత ఇస్తాడాని ఎదురు చూస్తున్నా..అలానే తేజు అన్న హ్యాట్-ట్రిక్ విజయం సాధించాలని.. నవ దర్శకుడు సుబ్బుకు మంచి పేరు రావాలని కోరుకుంటూన్నా..వెండితెర పై సినిమా చూదాం.. చిత్ర పరిశ్రమను కాపాడుకుందాం.. నేను టికెట్ బుక్ చేసుకున్నా.. మరి మీరు??