03-12-2020 22:41:57 About Us Contact Us


హృదయకాలయం దర్శకులు.. కొబ్బరిమట్ట నిర్మాత.. సంపూర్ణేష్ బాబు పాత్ర సృష్టి కర్త.. మెగాస్టార్ కు అభిమాని.. సినిమా పట్ల ప్రేమ.. గౌరవం గల నెల్లూరు వాసి.. సాయి రాజేష్.ఇప్పుడు కలర్ ఫోటో ద్వారా ప్రేక్షకుల ముందుకు రచయితగా.. నిర్మాతగా మరోసారి రానున్న సాయి రాజేష్ గారి పుట్టిన రోజు సందర్భంగా ఈ కథనం.


నెల్లూరు లో లీలా మహల్ లో విడుదలైన ప్రతి సినిమాను చేస్తూ.. మిత్రులు వీడు ఒక సినిమా పిచోడు అనే స్థాయికి చేరారు సాయి రాజేష్.అలాంటి సాయి రాజేష్ కు మెగాస్టార్ అంటే ఇష్టం.. ఆయన నటనకు.. మరీ ముఖ్యంగా చిరంజీవి గారి కామెడీ టైమింగ్ కు వీరాభిమాని.అలా మెగాస్టార్ పట్ల ఇష్టం.. సినిమా అంటే పిచ్చి తో హైదరాబాద్ చేరారు.సినిమా రంగంలోకి అడుగుపెట్టిన సాయి రాజేష్ కు అవకాశాలు మాత్రం రాలేదు.


సింగీతం శ్రీనివాస్ గారి దగ్గర ఆరు నెలలు పని చేసిన సాయి రాజేష్ కు ఆయన ఒక మాట చెప్పారు.కమర్షల్ సినిమాలకు హిట్ అయ్యే అవకాశం 10 శాతం కానీ.. కొత్త రకమైన సినిమాకు 50 శాతం అని.. దింతో ఒక సైన్స్ ఫిక్షన్ కథ సిద్ధం చేశారు.అలా అనేక మంది హీరోలకు చెప్పారు.. అందులో ఒక హీరోకి కథ నచ్చింది..కానీ,బడ్జెట్ కారణంగా చెప్పి సినిమా చెయ్యలేదు.దింతో ఒక చెత్త సినిమా చేసేందుకు సిద్ధమయ్యారు.


సామాజిక మాధ్యమాలలో పరిచయమైన మిత్రుల సహాయంతో చెత్త సినిమా చేసేందుకు నిధులు సమకూర్చుకొని ప్రారంభించి.. మారుతి గారు లాంటి వారి సహాయంతో సినిమాను పూర్తి చేశారు.హీరో కోసం కొన్ని నెలలు పాటు నిరీక్షించి చివరకు సంపూ తో చేశారు.రాజమౌళి గారు పోస్టర్ పై తన అభిప్రాయం చెప్పడంతో సినిమాకు భారీ హైప్ వచ్చింది.అలా తీసిన సినిమా హృదయకాలయం. చెత్త సినిమా అని తెలిసి కేవలం గుర్తింపు కోసం చేశారు సాయి రాజేష్.బహుశా ఒక చెత్త (ప్రేక్షకులు మెచ్చిన) సినిమా ద్వారా ఈ స్థాయి స్టార్దం సంపాదించింది తెలుగులో ఒక సాయి రాజేష్ మాత్రమే ఉండచ్చు.


ఆ తర్వాత కొబ్బరిమట్ట సినిమాను నిర్మించారు.ప్రసృతం కథ రచయిత.. నిర్మాతగా కలర్ ఫోటో సినిమా చేస్తున్నారు.ఇప్పటికే విడుదలైన టీజర్ తో మంచి స్పందన లభించింది.త్వరలో తను అనుకున్న ఒక మంచి సినిమాకు దర్శకత్వం చేసి గొప్ప దర్శకుడిగా సాయి రాజేష్ పేరు తెచ్చుకుంటారు అని ఆశిస్తూ.. ఎప్పటిలానే సామాజిక మాధ్యమాల ద్వారా.. సమాజానికి తనదైన శైలిలో సేవ చేస్తారని కోరుకుంటూ.. పుట్టిన రోజు సందర్భంగా మా (బి.ఆర్.మూవీ.జోన్) తరపున జన్మదిన శుభాకాంశాలు..